കാസർകോട് നഗരത്തിൽ നടുറോഡിലെ സിഗ്നൽ തൂൺ ഒഴിവാക്കുന്നു; ഗതാഗതത്തിന് പുതിയ മുഖം

കാസർകോട്: (KasargodVartha) നഗരത്തിലെ പഴയ പ്രസ് ക്ലബ് ജങ്ഷനിൽ നടുറോഡിലുള്ള ട്രാഫിക് സിഗ്നൽ തൂൺ ഒഴിവാക്കുന്നതിനുള്ള പ്രവൃത്തികൾ ആരംഭിച്ചു. നിലവിലുള്ള പഴയ സിഗ്നൽ മാറ്റി പുതിയത് സ്ഥാപിക്കുന്നതിന്റെ ഭാഗമായാണ് നഗരസഭയുടെ ഈ നടപടി.

താലൂക്ക് ഓഫീസിന് സമീപത്തെ ട്രാഫിക് സിഗ്നലും ഇതോടൊപ്പം പരിഷ്കരിക്കുമെന്ന് നഗരസഭാ ചെയർമാൻ അബ്ബാസ് ബീഗം കാസർകോട് വാർത്തയോട് വ്യക്തമാക്കി. എഐ ക്യാമറകളോട് കൂടിയ പുതിയ സാങ്കേതിക വിദ്യകൾ ഉപയോഗിച്ചുള്ള ഓട്ടോമാറ്റിക് ട്രാഫിക് സിഗ്നൽ സംവിധാനമാണ് നഗരത്തിൽ ഒരുക്കുന്നത്. കെൽട്രോൺ ആണ് പുതിയ ട്രാഫിക് സിഗ്നൽ സ്ഥാപിക്കുന്നത്. ഇതിനു ശേഷമുള്ള മെയിൻ്റനൻസ് പ്രവൃത്തികൾ ഗ്രാഫോൺ ഇന്നൊവേറ്റീവ് സൊലൂഷൻ എന്ന കമ്പനിക്കാണ് കരാർ നൽകിയിരിക്കുന്നത്.

ട്രാഫിക് സിഗ്നലിനുള്ള പുതിയ തൂണുകൾ സ്ഥാപിക്കുന്നതിന് ആവശ്യമായ അടിത്തറയുടെ നിർമാണവും വയറിംഗും ഇതിനകം പൂർത്തിയായിട്ടുണ്ട്. 40 ലക്ഷം രൂപ ചെലവിലാണ് ട്രാഫിക് സിഗ്നൽ നവീകരണത്തിനുള്ള പ്രവൃത്തികൾ നടക്കുന്നത്. കാസർകോട് നഗരത്തിന്റെ മുഖച്ഛായ തന്നെ മാറ്റുന്ന സൗന്ദര്യവൽക്കരണ പ്രവൃത്തികൾ ഇനിയും തുടരുമെന്ന് നഗരസഭാ ചെയർമാൻ കൂട്ടിച്ചേർത്തു.

നിങ്ങളുടെ നഗരത്തിലെ വികസന വാർത്തകൾ മറ്റുള്ളവരിലേക്ക് എത്തിക്കൂ. ഈ വാർത്ത ഷെയർ ചെയ്ത് ഈ മാറ്റത്തിന്റെ ഭാഗമാവുക.

Article Summary: Kasaragod city is getting new AI-powered traffic signals; a pole in the middle of the road is being removed.

#Kasaragod, #Kerala, #Traffic, #UrbanDevelopment, #SmartCity, #India