അച്ഛൻ ഓടിച്ച കാർ മറിഞ്ഞ് രണ്ടുവയസ്സുകാരി മകൾക്ക് ദാരുണാന്ത്യം

കാസർകോട്: (KasargodVartha) അച്ഛൻ ഓടിച്ച കാർ മറിഞ്ഞ് രണ്ടുവയസ്സുകാരി മകൾക്ക് ദാരുണാന്ത്യം. ആദൂർ പോലീസ് സ്റ്റേഷൻ പരിധിയിലെ മുള്ളേരിയ, കാർലെയിലാണ് നാടിനെ നടുക്കിയ അപകടം നടന്നത്. ഹരി - ശ്രീവിദ്യ ദമ്പതികളുടെ മകൾ ഹൃദ്യാനന്ദയാണ് മരിച്ചത്.

വ്യാഴാഴ്ച വൈകുന്നേരം ആറരയോടെയായിരുന്നു ദാരുണമായ സംഭവം. ഹരിയും കുടുംബവും കാറിൽ പുറത്തുപോയി വീട്ടിൽ തിരിച്ചെത്തിയിരുന്നു. വൈകുന്നേരം ഭാര്യയെയും മക്കളെയും വീട്ടിലാക്കിയ ശേഷം ഹരി കാറുമായി പുറത്തേക്ക് പോയതായിരുന്നു. വീടിനു മുന്നിലെ കയറ്റത്തിൽവെച്ച് കാർ ഓഫായി. ഇത് കണ്ട് ഭാര്യയും മൂത്ത മകളും കാറിനടുത്തേക്ക് പോയി. ഇതിനിടയിൽ പിറകിലോട്ട് നീങ്ങിയ കാറിടിച്ച് മൂത്ത മകൾക്ക് നിസാര പരിക്കേറ്റു. പിന്നാലെ കാർ മറിയുകയും ഹൃദ്യാനന്ദ കാറിനടിയിൽപ്പെടുകയുമായിരുന്നു.

അപകടം കണ്ട് ഓടിക്കൂടിയ നാട്ടുകാർ ഉടൻതന്നെ കുട്ടിയെ പുറത്തെടുത്ത് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. മൃതദേഹം കാസർകോട് ജനറൽ ആശുപത്രിയിൽ സൂക്ഷിച്ചിരിക്കുകയാണ്. അപകടത്തിൽ ആദൂർ പോലീസ് കേസെടുത്ത് അന്വേഷണം ആരംഭിച്ചു.

ഇത്തരം അപകടങ്ങൾ ഒഴിവാക്കാൻ കൂടുതൽ ശ്രദ്ധ ആവശ്യമാണ്. ഈ വാർത്ത എല്ലാവരുമായും പങ്കുവെക്കുക.

Article Summary: 2-year-old dies in Kasaragod car accident after father's car overturns.

#Kasaragod #CarAccident #Tragedy #ChildDeath #RoadSafety #Kerala