കാസർകോട്ടെ ബ്ലോക്ക് പഞ്ചായത്ത് സംവരണ വാർഡുകൾ പ്രഖ്യാപിച്ചു; നറുക്കെടുപ്പ് പൂർത്തിയായി

കാസർകോട്: (KasargodVartha) ജില്ലയിലെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ ഭാഗമായി ബ്ലോക്ക് പഞ്ചായത്ത് സംവരണ വാർഡുകൾ പ്രഖ്യാപിച്ചു. ബ്ലോക്ക് പഞ്ചായത്തുകളിലെ സ്ത്രീ സംവരണം, പട്ടികജാതി സ്ത്രീ സംവരണം, പട്ടികവർഗ്ഗ സ്ത്രീ സംവരണം, പട്ടികജാതി, പട്ടികവർഗ്ഗ സംവരണം എന്നിവയിലേക്കുള്ള നറുക്കെടുപ്പ് ഇതോടെ പൂർത്തിയായി.

കളക്ടറേറ്റ് മിനി കോൺഫറൻസ് ഹാളിൽ വെച്ചായിരുന്നു നറുക്കെടുപ്പ് നടന്നത്. ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടർ കെ.ഇമ്പശേഖർ നറുക്കെടുപ്പിന് നേതൃത്വം നൽകി. തദ്ദേശസ്വയംഭരണ വകുപ്പ് ഡെപ്യൂട്ടി ഡയറക്ടർ കെ.വി ഹരിദാസ്, സീനിയർ സൂപ്രണ്ട് ഹംസ, ഇലക്ഷൻ ഡെപ്യൂട്ടി കലക്ടർ ഗോപകുമാർ, തഹസിൽദാർമാരായ എൽ.കെ സുബൈർ, കെ.വി ബിജു, ടി.വി സജീവൻ എന്നിവരും ബ്ലോക്ക് പഞ്ചായത്ത് സെക്രട്ടറിമാർ, രാഷ്ട്രീയകക്ഷി പ്രതിനിധികൾ, മറ്റ് ഉദ്യോഗസ്ഥർ എന്നിവരും നറുക്കെടുപ്പിൽ പങ്കെടുത്തു.

സംവരണം പ്രഖ്യാപിച്ച ബ്ലോക്ക് പഞ്ചായത്ത് വാർഡുകളുടെ വിശദാംശങ്ങൾ താഴെ നൽകുന്നു.

പരപ്പ ബ്ലോക്ക് പഞ്ചായത്ത്

● പരപ്പ ബ്ലോക്ക് പഞ്ചായത്തിലെ പട്ടികവർഗ്ഗ സ്ത്രീ സംവരണ വാർഡ് മൂന്ന് പനത്തടി ആണ്. പട്ടിക വർഗ്ഗ സംവരണം വാർഡ് നാല് പാണത്തൂരിന് ലഭിച്ചു. സ്ത്രീ സംവരണം ലഭിച്ച വാർഡുകൾ ഇവയാണ്: 

● വാർഡ് രണ്ട് കള്ളാർ, വാർഡ് അഞ്ച് മാലോം, വാർഡ് ഏഴ് ചിറ്റാരിക്കാൽ, 10 ബളാൽ, വാർഡ് 11 പരപ്പ, വാർഡ് 13 ബാനം, വാർഡ് 14 തായന്നൂർ.

നീലേശ്വരം ബ്ലോക്ക് പഞ്ചായത്ത് സംവരണ വാർഡുകൾ

● നീലേശ്വരം ബ്ലോക്ക് പഞ്ചായത്തിൽ പട്ടികജാതി സംവരണം ലഭിച്ചത് വാർഡ് ഒന്ന് തങ്കയത്തിനാണ്. ഇവിടെ സ്ത്രീ സംവരണം ലഭിച്ച വാർഡുകൾ നാല് കയ്യൂർ, അഞ്ച് ചീമേനി, ആറ് പുത്തിലോട്ട്, ഒൻപത് ഉദിനൂർ, 10 തൃക്കരിപ്പൂർ ടൗൺ, 12 ഒളവറ, 13 വലിയപറമ്പ എന്നിവയാണ്.

കാഞ്ഞങ്ങാട് ബ്ലോക്ക് പഞ്ചായത്ത്

● കാഞ്ഞങ്ങാട് ബ്ലോക്ക് പഞ്ചായത്തിലെ പട്ടികവർഗ്ഗ സംവരണം വാർഡ് 12 രാവണേശ്വരത്തിന് ലഭിച്ചു. സ്ത്രീ സംവരണം ലഭിച്ച വാർഡുകൾ ഇവയാണ്: 

● വാർഡ് ഒന്ന് ഉദുമ, വാർഡ് നാല് വെളുത്തോളി, വാർഡ് അഞ്ച് പെരിയ, വാർഡ് എട്ട് മടിക്കൈ, വാർഡ് ഒൻപത് മാവുങ്കാൽ, വാർഡ് 10 മഡിയൻ, വാർഡ് 13 പാക്കം, വാർഡ് 15 പാലക്കുന്ന്.

കാസർകോട് ബ്ലോക്ക് പഞ്ചായത്ത് സംവരണ വാർഡുകൾ

● കാസർകോട് ബ്ലോക്ക് പഞ്ചായത്തിൽ പട്ടികജാതി സംവരണം വാർഡ് ഏഴ് ഉളിയത്തടുക്കയ്ക്ക് ലഭിച്ചു. സ്ത്രീ സംവരണം ലഭിച്ച വാർഡുകൾ ഒന്ന് ആരിക്കാടി, നാല് ഏരിയാൽ, അഞ്ച് ചൂരി, ആറ് രാംദാസ് നഗർ, 12 പാടി, 14 ചെങ്കള, 16 കളനാട്, 17 മേൽപ്പറമ്പ്, 18 ചെമ്മനാട് എന്നിവയാണ്.

മഞ്ചേശ്വരം ബ്ലോക്ക് പഞ്ചായത്ത് സംവരണ വാർഡുകൾ

● മഞ്ചേശ്വരം ബ്ലോക്ക് പഞ്ചായത്തിൽ പട്ടികജാതി സംവരണം വാർഡ് 16 മഞ്ചേശ്വരത്തിനാണ്. സ്ത്രീ സംവരണം ലഭിച്ച വാർഡുകൾ ഇവയാണ്: 

● വാർഡ് രണ്ട് പാത്തൂർ, വാർഡ് നാല് ചേവാർ, വാർഡ് ആറ് എൻമകജെ, വാർഡ് ഏഴ് പെർള, വാർഡ് 10 നയ്യാബസാർ, വാർഡ് 11 ഉപ്പള, വാർഡ് 12 കടമ്പാർ, വാർഡ് 14 ധർമ്മനഗർ.

കാറഡുക്ക ബ്ലോക്ക് പഞ്ചായത്ത് സംവരണ വാർഡുകൾ

● കാറഡുക്ക ബ്ലോക്ക് പഞ്ചായത്തിലെ പട്ടികജാതി സംവരണം വാർഡ് 10 കുണ്ടംകുഴിക്കും പട്ടികവർഗ്ഗ സംവരണം വാർഡ് അഞ്ച് ദേലംപാടിക്കും ലഭിച്ചു. സ്ത്രീ സംവരണം ലഭിച്ച വാർഡുകൾ ഇവയാണ്: 

● വാർഡ് മൂന്ന് ബെള്ളൂർ, വാർഡ് നാല് ആദൂർ, വാർഡ് ആറ് അഡൂർ, വാർഡ് 11 കൊളത്തൂർ, വാർഡ് 12 പൊവ്വൽ, വാർഡ് 13 മുളിയാർ, വാർഡ് 14 കാറഡുക്ക.

തദ്ദേശ തെരഞ്ഞെടുപ്പിന്റെ മുന്നോടിയായി പ്രഖ്യാപിച്ച സംവരണ വാർഡുകൾ ജനങ്ങൾക്കിടയിൽ ചർച്ചയായിട്ടുണ്ട്.

നിങ്ങളുടെ ബ്ലോക്ക് പഞ്ചായത്തിലെ സംവരണ വാർഡുകൾ സുഹൃത്തുക്കളെ അറിയിക്കാൻ ഈ വാർത്ത ഷെയർ ചെയ്യൂ.

Article Summary: Kasaragod Block Panchayat reservation wards announced via a draw, finalizing reserved seats for women, SC, and ST categories across all blocks.

#Kasaragod #BlockPanchayat #KeralaLocalElection #ReservationWards #Election2025 #KasaragodNews