അഭിമാന നേട്ടം! മികച്ച എസ് പി സി ജില്ലയായി കാസർകോട്; ചിട്ടയായ പരിശീലനത്തിന് 100 മാർക്ക്

തിരുവനന്തപുരം: (KasargodVartha) മാർ ഇവാനിയോസ് കോളേജിൽ ഏഴു ദിവസങ്ങളായി നടന്ന സംസ്ഥാന സഹവാസ ക്യാമ്പിൽ, 20 പോലീസ് ജില്ലകളിൽ നിന്നായി ആയിരത്തോളം കേഡറ്റുകൾ പങ്കെടുത്തു. ഈ ക്യാമ്പിൽ കാസർകോട് ജില്ല മികച്ച എസ്.പി.സി ജില്ലയായി തിരഞ്ഞെടുക്കപ്പെട്ടു. 

വിവിധ വിഭാഗങ്ങളിൽ കുട്ടികളുടെ പ്രകടനം വിലയിരുത്തി നടത്തിയ പാസിംഗ് ഔട്ട് പരേഡിൽ വെച്ച്, ബഹുമാനപ്പെട്ട കേരള ഗവർണർ ശ്രീ. രാജേന്ദ്ര വിശ്വനാഥ അർലേക്കറിൽ നിന്ന് പ്ലറ്റൂൺ കമാൻഡർ ആർദ്ര പി. വി. ഈ പുരസ്കാരം ഏറ്റുവാങ്ങി. പതാക വാഹകയായിരുന്ന കുമാരി വാണി കൃഷ്ണയും പരേഡിൽ ശ്രദ്ധേയമായ പ്രകടനം കാഴ്ചവെച്ചു.

ബഹുമാനപ്പെട്ട കാസർകോട് ജില്ലാ പോലീസ് മേധാവി ബി. വി. വിജയ ഭരത് റെഡ്ഡി ഐ.പി.എസിന്റെ നിർദ്ദേശപ്രകാരം, എസ്.പി.സി പദ്ധതിയുടെ ജില്ലാ നോഡൽ ഓഫീസർ അഡീഷണൽ എസ്.പി. പി. ബാലകൃഷ്ണൻ നായരുടെയും മികച്ച പിന്തുണയും ചിട്ടയായ പരിശീലനവുമാണ് ടീം കാസർകോടിന് ഈ വലിയ നേട്ടം കൈവരിക്കാൻ സഹായിച്ചത്. 

ജില്ലാ അസിസ്റ്റൻറ് നോഡൽ ഓഫീസർ സബ് ഇൻസ്പെക്ടർ തമ്പാൻ ടി., സോഷ്യൽ പോലീസിംഗ് കോഡിനേറ്റർ സബ് ഇൻസ്പെക്ടർ രാമകൃഷ്ണൻ ഡി.ഐ.മാർ, പ്രദീപൻ കോതോളി, രാജേഷ് കുഞ്ഞിവീട്ടിൽ, ജയശ്രീ, ധന്യ, ശ്യാം കൃഷ്ണൻ, എന്നിവരും അദ്ധ്യാപകരായ അശോകൻ, സിന്ധു ടി. ടി. വി., സ്മിത ബിന്ദു എന്നിവരുടെ നേതൃത്വത്തിലാണ് കുട്ടികൾ സംസ്ഥാന ക്യാമ്പിൽ പങ്കെടുത്തത്.

ഈ ഉജ്ജ്വല വിജയം നേടിയ കുട്ടികളെ എ.ഡി.ജി.പി. ഇൻറലിജൻസ് പി. വിജയൻ ഐ.പി.എസ്., എസ്.പി.സി. സംസ്ഥാന നോഡൽ ഓഫീസർ ഡി. ഐ. ജി. അജിതാബീഗം ഐ.പി.എസ്., മുൻ കാസർകോട് ജില്ലാ പോലീസ് മേധാവി പി. ബിജോയ് ഐ.പി.എസ്. എന്നിവർ അഭിനന്ദിച്ചു. 

ജില്ലയിലെ ഡ്രിൽ ഇൻസ്ട്രക്ടർമാർ, കമ്മ്യൂണിറ്റി പോലീസ് ഓഫീസർമാർ, എസ്.പി.സി., പി.ടി.എ. എന്നിവരുടെ മികച്ച കൂട്ടായ്മയും പിന്തുണയുമാണ് ഈ നേട്ടത്തിന് പ്രധാന കാരണം.

മികച്ച എസ്.പി.സി ജില്ലയായി തിരഞ്ഞെടുക്കപ്പെട്ട കാസർകോടിന് അഭിനന്ദനങ്ങൾ! ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Kasaragod district has been selected as the best SPC district at the state-level SPC camp held in Thiruvananthapuram, receiving 100 marks for its systematic training. The award was received by Platoon Commander Ardra P. V. from Kerala Governor.

#Kasaragod, #SPC, #KeralaPolice, #BestDistrict, #StudentPoliceCadet, #Achievement