കഞ്ചാവ് കടത്ത് കേസില്‍ യുവാവിന് മൂന്ന് വര്‍ഷം തടവും 25,000 രൂപ പിഴയും

By Web Desk BetaJan 25, 2020, 18:16 IST

കാസര്‍കോട്:(www.kasargodvartha.com 25/01/2020) കഞ്ചാവ് കടത്ത് കേസില്‍ യുവാവിന് മൂന്ന് വര്‍ഷം തടവിനും 25,000 രൂപ പിഴയടക്കാനും കോടതി ശിക്ഷിച്ചു. കര്‍ണാടക ഹാവേരി സാവനൂര്‍ ഷിരിബാഗഡിയിലെ എസ് മല്ലപ്പ(23)നെയാണ് അഡീഷണല്‍ കോടതി ജഡ്ജി രാജന്‍ തട്ടില്‍ ശിക്ഷിച്ചത്.

2016 ഫെബ്രവരി 25 ന് രാവിലെ 11 മണിക്ക് ചെര്‍ക്കള കെ എസ് സി ബി ഓഫീസിനു സമീപം വെച്ച് 1.25 കിലോ ഗ്രം കഞ്ചാവുമായി പ്രതിയെ പോലീസ് അറസ്റ്റ് ചെയ്തത്. അന്നത്തെ വിദ്യാനഗര്‍ എസ് ഐ ആയിരുന്ന അജിത്ത് കുമാറാണ് രഹസ്യ വിവരത്തെ തുടര്‍ന്ന് പ്രതിയെ അറസ്റ്റ് ചെയ്തത്. പ്രോസിക്യൂഷന് വേണ്ടി എം അബ്ദുള്‍ സത്താര്‍ ഹാജരായി.