റെയിൽവേ സ്റ്റേഷൻ പരിസരം മലിനമാക്കിയവർക്ക് എൻഫോഴ്സ്മെൻ്റിൻ്റെ ഇരുട്ടടി

കാഞ്ഞങ്ങാട്: (KasargodVartha) റെയിൽവേ സ്റ്റേഷൻ പരിസരത്തെ ഒഴിഞ്ഞ പറമ്പിൽ മാലിന്യം തള്ളിയതിന് എൻഫോഴ്സ്മെൻ്റ് സ്ക്വാഡ് നടപടിയെടുത്തു. ഒരു റെസിഡൻസിയിൽ നിന്നും, ഒരു പാർലറിൽ നിന്നുമായി പ്ലാസ്റ്റിക്, പേപ്പർ, കുപ്പിയുടെ അടപ്പുകൾ തുടങ്ങിയ മാലിന്യങ്ങൾ മതിലിന് മുകളിലെ ഒരു പ്രത്യേക ഡോർ വഴി പറമ്പിലേക്ക് തള്ളുകയായിരുന്നു. ഇതിന്മേൽ പറമ്പിൻ്റെ ഉടമയ്ക്ക് 15000 രൂപ പിഴ ചുമത്തുകയും, മാലിന്യം നീക്കം ചെയ്യാൻ നിർദ്ദേശം നൽകുകയും ചെയ്തു.

അതുപോലെ, നയാ ബസാറിലെ ഒരു കോംപ്ലക്സിൽ മാലിന്യം കൂട്ടിയിട്ടതിന് കെട്ടിട ഉടമയ്ക്ക് 10000 രൂപ പിഴ ചുമത്തി. ഇതേ കോംപ്ലക്സിലെ ഒരു ഫിനാൻസ് സ്ഥാപനത്തിൽ നിന്നുള്ള മാലിന്യം തുറന്ന സ്ഥലത്ത് കൂട്ടിയിട്ടതിന് 5000 രൂപ പിഴ ചുമത്തി. 

റെയിൽവേ സ്റ്റേഷൻ റോഡിൽ മാലിന്യം തള്ളിയ സ്ഥലത്തിൻ്റെ ഉടമയെ ബന്ധപ്പെട്ട് മാലിന്യം നീക്കം ചെയ്യാനും, മേലിൽ മാലിന്യം തള്ളാതിരിക്കാനുള്ള നടപടികൾ സ്വീകരിക്കാനും നിർദ്ദേശം നൽകി.

കൂടാതെ, ഒരു റെസ്റ്റോറൻ്റിൽ നിന്നുള്ള ഉപയോഗിച്ച വെള്ളം സംസ്കരിച്ച ശേഷം മറ്റ് മാലിന്യങ്ങളോടൊപ്പം തുറന്ന കുഴിയിലേക്ക് ഒഴുക്കിവിട്ടതിന് ഹോട്ടൽ ഉടമയ്ക്ക് 10000 രൂപ പിഴ ചുമത്തി. ഈ പരിശോധനയിൽ ജില്ലാ എൻഫോഴ്സ്മെൻ്റ് സ്ക്വാഡ് ലീഡർ കെ.വി. മുഹമ്മദ് മദനി, ഹെൽത്ത് ഇൻസ്പെക്ടർ ജോയസ് ജോസഫ്, സ്ക്വാഡ് അംഗം ഫാസിൽ ഇ.കെ. എന്നിവർ പങ്കെടുത്തു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക! കൂടുതൽ പേരിലേക്ക് എത്തിക്കാൻ ഷെയർ ചെയ്യുക.

Article Summary: Enforcement squad took action against littering near Kanhangad railway station, fining property owners and a restaurant for improper waste disposal.

#Kanhangad, #WasteManagement, #Fine, #Enforcement, #KeralaNews, #Cleanliness