കാസർകോട് സ്വദേശിയായ വയോധികനെ എറണാകുളത്ത് കാണാതായ സംഭവം; അന്വേഷണം പുരോഗമിക്കുന്നു

കാഞ്ഞങ്ങാട്: (KasargodVartha) എറണാകുളത്ത് നിന്ന് കാണാതായ കാഞ്ഞങ്ങാട് സ്വദേശിക്കായി കാസർകോട് ജില്ലയിലും പോലീസ് അന്വേഷണം ആരംഭിച്ചു. കാഞ്ഞങ്ങാടിനടുത്ത് വെള്ളിക്കോത്ത് വീണച്ചേരിയിലെ പൈനി പ്രഭാകരൻ നായരെ (73) ആണ് മെയ് ഒൻപത് വെള്ളിയാഴ്ച മുതൽ കാണാതായത്.

വർഷങ്ങളായി എറണാകുളം ഇടപ്പള്ളി ചേരാനല്ലൂരിലാണ് അദ്ദേഹം താമസിക്കുന്നത്. വീട്ടിൽ നിന്നിറങ്ങുമ്പോൾ മെറൂൺ നിറത്തിലുള്ള ഹാഫ് കൈ ഷർട്ടും വെള്ള ഡബിൾ മുണ്ടുമാണ് അദ്ദേഹം ധരിച്ചിരുന്നത്. പ്രഭാകരൻ നായർ കാസർകോട് ജില്ലയിലേക്ക് വന്നിരിക്കാൻ സാധ്യതയുണ്ടെന്ന നിഗമനത്തിലാണ് പോലീസ് ഇപ്പോൾ അന്വേഷണം നടത്തുന്നത്.

അദ്ദേഹത്തെ കാണാനില്ലെന്ന് കാണിച്ച് ബന്ധുക്കൾ ചേരാനല്ലൂർ പോലീസ് സ്റ്റേഷനിൽ നൽകിയ പരാതിയിൽ 237/2025 U/S 57 KP ACT എന്ന നമ്പറിൽ കേസ് രജിസ്റ്റർ ചെയ്ത് അന്വേഷണം പുരോഗമിക്കുകയാണ്.

പ്രഭാകരൻ നായരെക്കുറിച്ച് എന്തെങ്കിലും വിവരം ലഭിക്കുന്നവർ ഉടൻ തന്നെ 6238433644, 9061055124 എന്നീ നമ്പറുകളിൽ അറിയിക്കണമെന്ന് ബന്ധുക്കൾ അഭ്യർത്ഥിച്ചു.

ഈ വാർത്ത ഷെയർ ചെയ്യുക, നിങ്ങളുടെ അഭിപ്രായങ്ങൾ രേഖപ്പെടുത്തുക. 

Article Summary: Police in Kasaragod are searching for Prabhakaran Nair (73) from Kanhangad, who has been missing from Ernakulam since May 9th. He was last seen wearing a maroon shirt and white mundu. Relatives suspect he might be in Kasaragod and have filed a police complaint.

#MissingPerson, #Kasaragod, #Ernakulam, #PoliceInvestigation, #KeralaNews, #HelpFind