പോലീസ് നിലപാട് നിയമവ്യവസ്ഥയോടുള്ള വെല്ലുവിളി; കല്ലട്ര മാഹിന്‍ ഹാജി

ജില്ലയുടെ മറ്റ് പ്രദേശങ്ങളില്‍ മുസ്ലിം സമുദായത്തില്‍പെട്ട കുട്ടികളോ, യുവാക്കളോ കൊച്ചു പ്രശ്‌നങ്ങളില്‍ ഇടപെട്ടാല്‍ കാടിളക്കി നടപടിയെടുക്കുകയും, നിരപരാധികളുടെ വീടുകളില്‍ പോലും രാപകലില്ലാതെ കയറിയിറങ്ങി സൈ്വര ജീവിതം തകര്‍ക്കുകയും ചെയ്യുന്ന പോലീസില്‍ നിന്നും തന്നെയാണ് ജില്ലാ ആസ്ഥാനത്തെ മണിക്കൂറുകളോളം മുള്‍മുനയില്‍ നിര്‍ത്തിയ സാമൂഹ്യ ദ്രാഹികളെ സംരക്ഷിക്കുന്ന നിലപാടെന്നത് ഏറെ ഗൗരവമായി കാണേണ്ട വിഷയമാണെന്നും പ്രസ്താവനയില്‍ ചൂണ്ടിക്കാട്ടി.

കുറ്റവാളികളെ വിട്ടയച്ചതില്‍ പ്രതിഷേധിച്ച് യാതൊരു മുന്നറിയിപ്പുമില്ലാതെ എസ്.എസ്.എല്‍.സി. പരീക്ഷ നടക്കുന്ന അവസരത്തില്‍ പോലും കെ.എസ്.ആര്‍.ടി.സി. ജീവനക്കാര്‍ നടത്തിയ പണിമുടക്ക് ആയിരക്കണക്കിന് വിദ്യാര്‍ത്ഥികളെയും, പൊതുജനത്തെയുമാണ് ദുരിതത്തിലാക്കിയതെന്നും ഇതിന് ഉത്തരവാദി തത്വദീക്ഷയില്ലാത്ത പോലീസിന്റെ നടപടിയാണെന്നും അദ്ദേഹം പറഞ്ഞു.

കാസര്‍കോട് പോലീസിന്റെ പക്ഷപാതപരമായ നിലപാട് ഏറെ വിമര്‍ശിക്കപ്പെടുന്ന സാഹചര്യത്തില്‍ സമുദായാന്തരീക്ഷം കലുഷമാക്കുന്ന ഇത്തരം ദു:ശക്തികളെ നിയമത്തിന് മുന്നില്‍ കൊണ്ടുവരാനും നിയമ വാഴ്ചക്ക് വെല്ലുവിളിയാകുന്നത് ഏത് സമുദായത്തില്‍ പെട്ട കുറ്റവാളികളാണെങ്കിലും ശക്തമായ നിയമനടപടി സ്വീകരിക്കണമെന്നും മാഹിന്‍ ഹാജി കല്ലട്ര ആവശ്യപ്പെട്ടു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords:  Kasaragod, Muslim-league, Muslim-league-Leaders, Kallatra Mahin Haji, Muslim-youth-league, KSRTC, Accident, Accidental-Death, Bike-Accident, Arrest, Police, Police station

Advertisement: