Where is the soil erosion occurring?

The soil erosion is occurring on the National Highway service road near Kallangai ALP School in Mogral Puthur, Kasaragod.

നാട്ടുകാരുടെ ആവശ്യം എന്താണ്?

ജില്ലാ ഭരണകൂടം അടിയന്തരമായി ഇടപെട്ട് സംരക്ഷണ മതിൽ നിർമ്മിക്കണമെന്നും സുരക്ഷ ഉറപ്പാക്കണമെന്നുമാണ് നാട്ടുകാരുടെ ആവശ്യം.

Why is the school building at risk?

The service road was constructed by cutting away soil at the same height as the school building, causing the land underneath the old building to erode.

എന്തുകൊണ്ടാണ് പഴയ കെട്ടിടം പൊളിച്ചുമാറ്റാത്തത്?

കെട്ടിടം പൊളിച്ചാൽ അർഹമായ നഷ്ടപരിഹാരമോ സർക്കാർ ഫണ്ടോ ലഭിക്കില്ലെന്ന ആശങ്കയിലാണ് മാനേജ്മെന്റ്.

Why isn't the management demolitioning the old building?

The management is concerned that they won't receive government funds or adequate compensation if they demolish it themselves.

What is the demand of the locals?

Locals are demanding immediate intervention from the District Administration to construct a retaining wall and ensure safety.

മണ്ണിടിച്ചിൽ ഉണ്ടാകുന്നത് എവിടെയാണ്?

കാസർകോട് മൊഗ്രാൽപുത്തൂർ കല്ലങ്കൈ എ.എൽ.പി സ്കൂളിന് സമീപമുള്ള ദേശീയപാത സർവീസ് റോഡിലാണ് മണ്ണിടിച്ചിൽ ഉണ്ടാകുന്നത്.

സ്കൂൾ കെട്ടിടം അപകടത്തിലാകാൻ കാരണമെന്ത്?

സ്കൂൾ കെട്ടിടത്തിന്റെ ഉയരത്തിൽ മണ്ണ് ഇടിച്ചെടുത്താണ് സർവീസ് റോഡ് നിർമ്മിച്ചിരിക്കുന്നത്. ഇത് കെട്ടിടത്തിന്റെ അടിഭാഗത്തെ മണ്ണ് ഇടിയാൻ കാരണമായി.

കല്ലങ്കൈ സർവീസ് റോഡിൽ മണ്ണിടിച്ചിൽ തുടരുന്നു: സ്കൂൾ കെട്ടിടം അപകടഭീഷണിയിൽ; അധികൃതർക്ക് മൗനം

Whatsapp Group Whatsapp Channel

By Main DeskJan 9, 2026, 12:19 IST

Dangerous school building near soil erosion site at Kallangai service road

● സംരക്ഷണ മതിൽ വേണമെന്ന ആവശ്യത്തോട് അധികൃതർ മുഖം തിരിക്കുന്നു.
● മുന്നൂറോളം വിദ്യാർത്ഥികൾ പഠിക്കുന്ന സ്കൂൾ പരിസരത്ത് സുരക്ഷാ ഭീഷണി.
● പഴയ കെട്ടിടം പൊളിച്ചുനീക്കാൻ മാനേജ്മെന്റ് തയ്യാറാകാത്തത് ആശങ്ക വർദ്ധിപ്പിക്കുന്നു.
● സർവീസ് റോഡിലൂടെ നൂറുകണക്കിന് വാഹനങ്ങളാണ് നിത്യേന കടന്നുപോകുന്നത്.
● ജില്ലാ ഭരണകൂടം അടിയന്തരമായി ഇടപെടണമെന്ന് നാട്ടുകാർ.

മൊഗ്രാൽപുത്തൂർ: (KasargodVartha) കല്ലങ്കൈ എ എൽ പി സ്കൂളിന് (അൺ എയ്ഡഡ്) സമീപമുള്ള ദേശീയപാത സർവീസ് റോഡിൽ മണ്ണിടിച്ചിൽ തുടരുന്നത് യാത്രക്കാരെയും നാട്ടുകാരെയും ഒരുപോലെ ഭീതിയിലാഴ്ത്തുന്നു. നിലവിൽ റോഡിലേക്ക് ഇടിഞ്ഞു വീഴാൻ പാകത്തിൽ നിൽക്കുന്ന സ്കൂൾ കെട്ടിടം വലിയ അപകട ഭീഷണിയാണ് ഉയർത്തുന്നത്.

വിഷയത്തിൽ നേരത്തെ മാധ്യമ വാർത്തകൾ വന്നിട്ടും ദേശീയപാത നിർമ്മാണ കമ്പനി അധികൃതരോ സ്കൂൾ മാനേജ്മെന്റോ മതിയായ നടപടി സ്വീകരിക്കാൻ തയ്യാറായിട്ടില്ല. മണ്ണിടിച്ചിൽ തുടരുന്ന ഭാഗത്ത് കോൺക്രീറ്റ് സംരക്ഷണ മതിൽ നിർമ്മിക്കണമെന്ന് സ്കൂൾ മാനേജ്മെന്റും പി ടി എയും നേരത്തെ തന്നെ ആവശ്യപ്പെട്ടതാണ്.

സ്കൂൾ കെട്ടിടത്തിന് സമാനമായ ഉയരത്തിൽ മണ്ണ് ഇടിച്ചെടുത്താണ് ഇവിടെ സർവീസ് റോഡ് നിർമ്മിച്ചിരിക്കുന്നത്. ഇത് സ്കൂൾ കെട്ടിടത്തിനും താഴെ പാതയിലൂടെ പോകുന്ന വാഹനങ്ങൾക്കും യാത്രക്കാർക്കും ഒരുപോലെ ഭീഷണിയാണെന്ന് അധികൃതരെ അറിയിച്ചെങ്കിലും ദേശീയപാത നിർമ്മാണ കമ്പനി ഇതിനോട് മുഖം തിരിക്കുകയായിരുന്നു.

പഴയ ഓടുമേഞ്ഞ സ്കൂൾ കെട്ടിടം നിലവിൽ അപകടാവസ്ഥയിലായതിനാൽ അവിടെ ക്ലാസുകൾ പ്രവർത്തിക്കുന്നില്ലെന്നത് മാത്രമാണ് ഇപ്പോൾ സ്കൂൾ അധികൃതർക്കും നാട്ടുകാർക്കും ആകെയുള്ള ആശ്വാസം.

കെട്ടിടം മാനേജ്മെന്റിന്റെ കീഴിലായതിനാൽ അത് പൊളിച്ചുമാറ്റാൻ അവർ തയ്യാറാകുന്നില്ല. കെട്ടിടം പൊളിച്ചാൽ അതിനുള്ള ഫണ്ട് സർക്കാരിൽ നിന്ന് ലഭിക്കില്ലെന്നും അർഹമായ നഷ്ടപരിഹാരം ലഭിക്കില്ലെന്നുമുള്ള ആശങ്കയും മാനേജ്മെന്റിനുണ്ട്.

മുന്നൂറോളം കുട്ടികൾ പഠിക്കുന്ന സ്കൂളിലെ ഇടവേളകളിൽ വിദ്യാർത്ഥികൾ ഈ അപകടാവസ്ഥയിലുള്ള കെട്ടിടത്തിന് സമീപത്താണ് കളിക്കുന്നതും വിശ്രമിക്കുന്നതും. കെട്ടിടത്തിന് താഴെയുള്ള സർവീസ് റോഡിലൂടെ ബസ്സുകൾ ഉൾപ്പെടെ നൂറുകണക്കിന് വാഹനങ്ങളാണ് നിത്യേന കടന്നുപോകുന്നത്.

മണ്ണിടിച്ചിൽ രൂക്ഷമായാൽ കെട്ടിടം നേരെ വീഴുക ഈ റോഡിലേക്കായിരിക്കും. സ്കൂൾ മാനേജ്മെന്റും നിർമ്മാണ കമ്പനിയും തർക്കം തുടരുന്ന സാഹചര്യത്തിൽ ജില്ലാ ഭരണകൂടം വിഷയത്തിൽ അടിയന്തരമായി ഇടപെടണമെന്നാണ് നാട്ടുകാരുടെ ആവശ്യം.

കല്ലങ്കൈയിലെ ഈ അപകടാവസ്ഥ അധികൃതരുടെ ശ്രദ്ധയിൽപ്പെടുത്താൻ വാർത്ത ഷെയർ ചെയ്യൂ.

Article Summary: Continued soil erosion on the Kallangai service road threatens a school building and commuters in Mogral Puthur.

#KasaragodNews #RoadSafety #SchoolSafety #NationalHighway #MogralPuthur #KeralaAlert