കടലാടിപ്പാറയിലെ ഖനനാനുമതി റദ്ദാക്കും: കുഞ്ഞാലിക്കുട്ടി

നീലേശ്വരം: കാസര്‍കോട് ജില്ലയിലെ നീലേശ്വരം കരിന്തളം കടലാടിപ്പാറയില്‍ ആശാപുര കമ്പനിക്ക് നല്‍കിയ ബോക്‌സൈറ്റ് ഖനനാനുമതി റദ്ദാക്കുമെന്ന് വ്യവസായ മന്ത്രി പി.കെ കുഞ്ഞാലിക്കുട്ടി നിയമസഭയില്‍ അറിയിച്ചു.

ഖനനവുമായി മുന്നോട്ട് പോകാന്‍ കമ്പനിയെ അനുവദിക്കേണ്ടെന്നാണ് സര്‍ക്കാര്‍ നിലപാടെന്ന് മന്ത്രി പറഞ്ഞു. ഇതുമായി ബന്ധപ്പെട്ട് പഠനം നടത്തി റിപോര്‍ട്ട് നല്‍കാന്‍ മൈനിംഗ് ആന്‍ഡ് ജിയോളജി ഡയറക്ടറെ ചുമതലപ്പെടുത്തിയിട്ടുണ്ടെന്ന് മന്ത്രി തൃക്കരിപ്പൂര്‍ എം.എല്‍.എ കെ. കുഞ്ഞിരാമന്‍ നല്‍കിയ സബ്മിഷനുള്ള മറുപടിയില്‍  അറിയിച്ചു.

2007 ഏപ്രില്‍ 25നാണ് ആശാപുര കമ്പനിക്ക് അന്നത്തെ സര്‍ക്കാര്‍ ഖനനാനുമതി നല്‍കിയത്. ഇതേതുടര്‍ന്ന് ജനങ്ങള്‍ക്കിടയില്‍ പ്രതിഷേധം ഉയരുകയും മാധ്യമങ്ങള്‍ ഇക്കാര്യം പൊതുജന സമൂഹത്തില്‍ കൊണ്ടുവരികയും ചെയ്തിരുന്നു. ഇത് പരിഗണിച്ചാണ് മൈനിംഗ് തുടരേണ്ടതില്ലെന്ന് തീരുമാനിച്ചത്.

ഖനനത്തിന് അനുവദിച്ച 80.83 ഹെക്ടര്‍ ഭൂമി ഭൂരഹിത കേരളം പദ്ധതിയുടെ ഭാഗമായി വിതരണം ചെയ്യാന്‍ തീരുമാനിച്ചിട്ടുണ്ടെന്നും മന്ത്രി അറിയിച്ചു.


Keywords : Kasaragod, K. Kunhiraman MLA, Neeleswaram, P.K Kunhalikutty, Minister, Niyamasabha, Kadaladippara, Mining, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.