മഞ്ചേശ്വരം മണ്ഡലത്തിൽ എൽഡിഎഫ് പരോക്ഷമായി യുഡിഎഫിനെ സഹായിച്ചുവെന്നും സാമുദായിക ഏകീകരണം ബോധപൂർവം സൃഷ്ടിച്ചുവെന്നും കെ സുരേന്ദ്രൻ

കാസർകോട്: (KasargodVartha) മഞ്ചേശ്വരം മണ്ഡലത്തിലെ തിരഞ്ഞെടുപ്പിൽ എൽഡിഎഫ് പരോക്ഷമായി യുഡിഎഫിനെ സഹായിച്ചുവെന്ന് ബിജെപി സ്ഥാനാര്‍ത്ഥി കെ സുരേന്ദ്രൻ ആരോപിച്ചു. മണ്ഡലത്തിൽ എൽഡിഎഫിന് 20,000-ത്തിലധികം വോട്ടുകൾ കുറഞ്ഞത് ഇത് വ്യക്തമാക്കുന്നതായും അദ്ദേഹം പറഞ്ഞു.

മണ്ഡലത്തിൽ സാമുദായിക ഏകീകരണം ബോധപൂർവം സൃഷ്ടിച്ചതായും, രാഷ്ട്രീയത്തിനപ്പുറം ചില ശക്തികൾ തിരഞ്ഞെടുപ്പിൽ ഇടപെട്ടുവെന്നും സുരേന്ദ്രൻ ആരോപിച്ചു.

നാടിൻ്റെ സുരക്ഷയ്ക്ക് ഭീഷണിയായ ചിലരെ പോലും തിരഞ്ഞെടുപ്പ് പ്രവർത്തനങ്ങളിൽ ഉപയോഗിച്ചുവെന്ന ആരോപണവും അദ്ദേഹം ഉന്നയിച്ചു. തിരഞ്ഞെടുപ്പ് ഫലത്തെ സ്വാധീനിക്കാൻ പദ്ധതിയിട്ടുള്ള നീക്കങ്ങൾ നടന്നുവെന്നും, ഇതുസംബന്ധിച്ച് കൂടുതൽ അന്വേഷണം ആവശ്യമാണെന്നും അദ്ദേഹം കൂട്ടിച്ചേർത്തു.

കാസർകോട് ഗസ്റ്റ് ഹൗസിൽ മാധ്യമപ്രവർത്തകരോട് സംസാരിക്കവെയാണ് മണ്ഡലത്തിലെ പരാജയത്തിൻ്റെ കാരണം സുരേന്ദ്രൻ വിശദമാക്കിയത്.

ഈ വാർത്ത നിങ്ങളുടെ സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ പുതിയ വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ്ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ വാര്‍ത്തയുടെ താഴെ കമൻ്റായി രേഖപ്പെടുത്തുക.

Article Summary: BJP state president K Surendran alleged that the LDF indirectly helped the UDF win in the Manjeshwaram constituency, pointing out a drop of over 20,000 votes for the LDF and claiming deliberate communal polarization.

#Manjeshwaram #KSurendran #KasaragodNews #BJPKerala #KeralaElections #ElectionResults2026