അടച്ചു പൂട്ടിയ മദ്യഷാപ്പ് മൈല്‍ക്കല്ലിലേക്ക് മാറ്റിസ്ഥാപിക്കാനുള്ള നീക്കം ചെറുക്കണം: ജമാഅത്തെ ഇസ് ലാമി

കുമ്പള: (www.kasargodvartha.com 05.04.2016) സുപ്രീം കോടതി ഉത്തരവിനെ തുടര്‍ന്ന് അടച്ചു പൂട്ടിയ ദേശീയ പാതയില്‍ സ്തിഥി ചെയ്തിരുന്ന ബീവറേജസ് ഔട്ട് ലെറ്റ് ഇപ്പോള്‍ മൈല്‍ക്കല്ലിലേക്ക് മാറ്റാനുള്ള നീക്കം ചെറുത്ത് തോല്പിക്കണമെന്ന് കുമ്പളയില്‍ ചേര്‍ന്ന ജമാഅത്തെ ഇസ് ലാമി കുമ്പള ഏരിയാ പ്രവര്‍ത്തക കണ്‍വെന്‍ഷന്‍ ആവശ്യപ്പെട്ടു.
ജനവാസ മേഖലയായ നിര്‍ദ്ദിഷ്ട സ്ഥലം ഹൗസിംഗ് കോളനി, പ്രാഥമിക വിദ്യാലയം, പ്രശസ്തമായ വനിതാ കോളജ് തുടങ്ങിയ സ്ഥാപനങ്ങള്‍ സ്തിഥി ചെയ്യുന്ന സ്ഥലമാണ്. അതുകൊണ്ട് എന്തു വില കൊടുത്തും ഈ നീക്കത്തെ പ്രതിരോധിക്കണമെന്ന് യോഗം ആവശ്യപ്പെട്ടു.

ജില്ലാ പ്രസിഡന്റ് കെ മുഹമ്മദ് ശാഫി അധ്യക്ഷത വഹിച്ചു. കെ കെ ഇസ്മാഈല്‍, പി എസ് അബ്ദുല്ലക്കുഞ്ഞി, മുഹമ്മദ് കുഞ്ഞി, നദീറ കെ പി, സൈനബ മോള്‍ തുടങ്ങിയവര്‍ സംസാരിച്ചു. ഏരിയാ പ്രസിഡന്റ് അഷ് റഫ് ബായാര്‍ സ്വാഗതവും ബി എം അബ്ദുല്ല നന്ദിയും പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)