പൊതുസ്ഥലങ്ങളില്‍ സ്ഥാപിച്ച അനധികൃത ബോര്‍ഡുകളും പരസ്യങ്ങളും നീക്കം ചെയ്തു

നീലേശ്വരം: (www.kasargodvartha.com 12.10.2018) നീലേശ്വരം നഗരസഭയിലെ പൊതുസ്ഥലങ്ങളില്‍ അനധികൃതമായി സ്ഥാപിച്ച ബോര്‍ഡുകള്‍, ബാനറുകള്‍, ഹോര്‍ഡിംഗുകള്‍ എന്നിവ നഗരസഭാധികൃതര്‍ നീക്കം ചെയ്തു. ഹൈക്കോടതിയുടെ നിര്‍ദേശ പ്രകാരം പൊതുസ്ഥലങ്ങളിലെ അനധികൃത പരസ്യങ്ങളും ബോര്‍ഡുകളും നീക്കം ചെയ്യുന്നതിനുള്ള സര്‍ക്കാര്‍ ഉത്തരവിന്റെ അടിസ്ഥാനത്തിലാണ് നടപടി.

നഗരസഭാ റവന്യൂ ഇന്‍സ്‌പെക്ടര്‍മാരായ കെ. മനോജ് കുമാര്‍, പി.ഡി. രാമചന്ദ്രന്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ രാജന്‍ ടി.വി. എന്നിവര്‍ നേതൃത്വം നല്‍കി. പൊതുസ്ഥലങ്ങളില്‍ അനധികൃതമായി ബോര്‍ഡുകള്‍ സ്ഥാപിക്കുന്ന സ്ഥാപനങ്ങള്‍ക്കും സംഘടനകള്‍ക്കുമെതിരെ തുടര്‍നടപടികള്‍ സ്വീകരിക്കുന്നതാണെന്നും നഗരസഭയുടെ അനുമതിയോടെ മാത്രമേ പരസ്യബോര്‍ഡുകള്‍ സ്ഥാപിക്കാവൂവെന്നും നഗരസഭാ സെക്രട്ടറി അറിയിച്ചു.

Photo: File