ഇബ്രാഹിം ചെര്‍ക്കളയുടെ 'കീറിക്കളയാത്ത കുറിമാനങ്ങള്‍' പ്രകാശനം 26ന്

കാസര്‍കോട്: എഴുത്തിന്റെ ലോകത്തിലേക്ക് പിച്ച വെയ്ക്കുന്ന ഒരു കാലത്ത്, കേരളത്തിലെ പ്രമുഖരുമായുള്ള കത്തിടപാടുകളുടെ ഓര്‍മ്മകളയവിറക്കുന്ന,  ഇബ്രാഹിം ചെര്‍ക്കളയുടെ 'കീറിക്കളയാത്ത കുറിമാനങ്ങള്‍' എന്ന കൃതിയുടെ പ്രകാശനം 2013 ഡിസമ്പര്‍ 26ന്  കാസര്‍കോട് സിറ്റി ടവറില്‍ നടക്കും.

പ്രിയദര്‍ശിനി പബ്ലിക്കേഷന്‍സ് പുറത്തിറക്കുന്ന പുസ്തകത്തിന്റെ പ്രകാശനം കെ.പി.സി.സി. പ്രസിഡന്റ് രമേശ് ചെന്നിത്തല നിര്‍വ്വഹിക്കും. ഡി.സി.സി. പ്രസിഡന്റ് അഡ്വ. സി.കെ. ശ്രീധരന്റെ അദ്ധ്യക്ഷതയില്‍ ചേരുന്ന ചടങ്ങ് എന്‍ എ. നെല്ലിക്കുന്ന് എം.എല്‍.എ. ഉദ്ഘാടനം ചെയ്യും. കെ.പി.സി.സി. ജന. സെക്രട്ടറി ഡോ. ശൂരനാട് രാജശേഖരന്‍ ആമുഖപ്രഭാഷണം നടത്തും. ഡോ. എന്‍. എ. മുഹമ്മദ് പുസ്തകം ഏറ്റു വാങ്ങും. പി.എ. അശ്‌റഫലി, സീതാദേവി കരിയാട്ട്, റഹ്മാന്‍ തായലങ്ങാടി, കെ. അബ്ദുര്‍ റഹ്മാന്‍, വി.വി. പ്രഭാകരന്‍, സി.എല്‍ ഹമീദ്, ഇബ്രാഹിം ചെര്‍ക്കള എന്നിവര്‍ പ്രസംഗിക്കും.