കിടപ്പുമുറിയില്‍ ഉറങ്ങിക്കിടന്ന വീട്ടമ്മയെ കീരി കടിച്ചു

By Web Desk - MainFeb 19, 2019, 16:31 IST

കാഞ്ഞങ്ങാട്: (www.kasargodvartha.com 19.02.2019) കിടന്നുറങ്ങുകയായിരുന്ന വീട്ടമ്മയെ പാതിരാത്രിയില്‍ കീരി കടിച്ച് പറിച്ചു. തൈക്കടപ്പുറത്തെ റംല (35)യ്ക്കാണ് കീരിയുടെ കടിയേറ്റത്. കഴിഞ്ഞ ദിവസം രാത്രി 12 മണിക്ക് വീട്ടിനകത്ത് കടന്ന കീരി റംലയുടെ കാലിനും കൈക്കും കടിച്ച് പറിക്കുകയായിരുന്നു.

പെട്ടെന്ന് ഞെട്ടി അറിഞ്ഞ റംല ബഹളം വെക്കുകയും കീരിയെ കൈയ്യോടെ പിടിക്കുകയായിരുന്നു. ഇതിനിടയില്‍ റംലയുടെ കൈയില്‍ നിന്നും കുതറി ഓടിയ കീരിയെ രാവിലെ വീടിന് തൊട്ടടുത്ത് ചത്ത നിലയില്‍ കാണുകയായിരുന്നു. പരിക്കേറ്റ റംല ജില്ലാശുപത്രിയില്‍ ചികിത്സയിലാണ്.