വീട്ടമ്മയെ കിണറ്റില്‍ മരിച്ച നിലയില്‍ കണ്ടെത്തി

By Web Desk SNJul 11, 2017, 10:57 IST

മഞ്ചേശ്വരം: (www.kasargodvartha.com 11.07.2017) വീട്ടമ്മയെ കിണറ്റില്‍ മരിച്ച നിലയില്‍ കണ്ടെത്തി. പൈവളിഗെയിലെ ഈശ്വരഷെട്ടിഗാറിന്റെ ഭാര്യ ആശ (50)യെയാണ് കിണറ്റില്‍ മരിച്ച നിലയില്‍ കണ്ടെത്തിയത്. തിങ്കളാഴ്ച വൈകിട്ട് 6.30 മണിയോടെയാണ് ആശയുടെ മൃതദേഹം സ്വന്തം വീട്ടുപറമ്പിലെ കിണറ്റില്‍ കണ്ടെത്തിയത്. വിവരമറിഞ്ഞ് മഞ്ചേശ്വരം പോലീസ് സ്ഥലത്തെത്തിയാണ് മൃതദേഹം പുറത്തെടുത്തത്.

ഇന്‍ക്വസ്റ്റ് നടപടികള്‍ക്കുശേഷം മൃതദേഹം മംഗല്‍പാടി ആശുപത്രി മോര്‍ച്ചറിയിലേക്ക് മാറ്റി. മരണകാരണം വ്യക്തമായിട്ടില്ല. ഏക മകള്‍: ശ്രീലത.