കള്ളസാക്ഷി നല്‍കിയെന്നാരോപിച്ച് വീട്ടമ്മയ്ക്ക് അയല്‍വാസിയുടെ മര്‍ദനം

By Web Desk - MainNov 5, 2019, 20:23 IST

നീലേശ്വരം: (www.kasargodvartha.com 05.11.2019) കള്ളസാക്ഷി നല്‍കിയെന്നാരോപിച്ച് വീട്ടമ്മയെ അയല്‍വാസി മര്‍ദിച്ചതായി പരാതി. സംഭവത്തില്‍ പോലീസ് കേസെടുത്തു. പുത്തരിയടുക്കത്തെ ഉമ്പിച്ചി(59)യെ അസഭ്യം പറയുകയും കൈ കൊണ്ട് അടിച്ച് നിലത്തേക്ക് തള്ളിയിടുകയും ചെയ്തുവെന്ന പരാതിയില്‍ അയല്‍വാസിയായ ചന്ദ്രനെതിരെയാണ് നീലേശ്വരം പോലീസ് കേസെടുത്തത്. ചന്ദ്രനെതിരെ നേരത്തേയുണ്ടയിരുന്ന ഒരു കേസില്‍ സാക്ഷി പറഞ്ഞുവെന്നാരോപിച്ചാണ് മര്‍ദനം.