മഞ്ചേശ്വരത്ത് വീട്ടില്‍ നിന്ന് 15 പവന്‍ സ്വര്‍ണം കവര്‍ന്നു; 5 വീടുകളില്‍ കവര്‍ചാശ്രമം

മഞ്ചേശ്വരം: മഞ്ചേശ്വരത്ത് വീട്ടില്‍ നിന്ന് 15 പവന്‍ സ്വര്‍ണവും 20,000 രൂപയും കവര്‍ന്നു. അഞ്ചു വീടുകളില്‍ കവര്‍ചാശ്രമവും ഉണ്ടായി. മഞ്ചേശ്വരം യതീംഖാനയ്ക്ക് സമീപത്തെ കെ.പി. അലിക്കുട്ടിയുടെ വീട്ടില്‍ നിന്നാണ് 15 പവന്‍ സ്വര്‍ണവും 20,000 രൂപയും കവര്‍ന്നത്.

വീടിന്റെ വാതില്‍പൊളിച്ച് അകത്തുകടന്ന മോഷ്ടാക്കള്‍ അലമാരയില്‍ സൂക്ഷിച്ച ആഭരണങ്ങള്‍ കവരുകയായിരുന്നു. മറ്റു വീടുകളില്‍ പൂട്ടുപൊളിച്ച് അകത്തുകടന്നെങ്കിലും വീട്ടുകാര്‍ ഉണര്‍ന്നതിനാല്‍ കവര്‍ച പരാജയപ്പെടുകയായിരുന്നു. കവര്‍ചയ്ക്ക് പിന്നില്‍ മറുനാടന്‍ മോഷണ സംഘമാണെന്ന് സംശയിക്കുന്നു. കഴിഞ്ഞദിവസം പുലര്‍ചെയാണ് കവര്‍ചാസംഘം കൂട്ടമായി ഇറങ്ങിയത്. കുമ്പള സി.ഐ. സിബി മാത്യൂസ്, എസ്.ഐ. കെ. ബിജുലാല്‍ തുടങ്ങിയവര്‍ കവര്‍ചനടന്ന വീടുകള്‍ സന്ദര്‍ശിച്ചു.

File Photo