തിരക്കഥാകൃത്തിന്റെ അടച്ചിട്ട വീട് കുത്തിത്തുറന്ന് സ്വര്‍ണാഭരണവും ബാത്ത്റൂം ഫിറ്റിംഗ്സുകളും വാതിലിന്റെ ലോക്കും കവര്‍ന്നു

By Web Desk SUDec 9, 2019, 18:58 IST

കാഞ്ഞങ്ങാട്: (www.kasargodvartha.com 09.12.2019) അടച്ചിട്ട വീട് കുത്തിത്തുറന്ന് സ്വര്‍ണാഭരണവും ബാത്ത്റൂം ഫിറ്റിംഗ്സുകളും വാതിലിന്റെ ലോക്കും കവര്‍ച്ച ചെയ്തു. തിരക്കഥാകൃത്തായ ഹൊസ്ദുര്‍ഗ് ടെലഫോണ്‍ എക്സ്ചേഞ്ചിന് സമീപത്തെ ഋഷികേശിന്റെ വീട്ടിലാണ് കവര്‍ച്ച നടന്നത്. ഋഷികേശ് എറണാകുളത്താണ് താമസം.

വ്യാഴാഴ്ചയാണ് സംഭവം അയല്‍വാസിയുടെ ശ്രദ്ധയില്‍പ്പെട്ടത്. വീടിന്റെ പിറകുവശത്തെ ഗ്രില്‍സ് തകര്‍ത്ത നിലയില്‍ കണ്ട് അയല്‍വാസി വിവരമറിയിക്കുകയായിരുന്നു. അലമാരയില്‍ സൂക്ഷിച്ച ഒന്നര പവന്റെ കൈ ചെയിനും ബാത്ത് റൂം ഫിറ്റിങ്ങ്സ്, വാതില്‍ ലോക്ക് എന്നിവയും നഷ്ടപ്പെട്ടു. സംഭവത്തില്‍ ഹൊസ്ദുര്‍ഗ് പൊലീസ് കേസെടുത്ത് അന്വേഷിച്ചുവരുന്നു.