കാസര്‍കോട്ട് ഹോട്ടലുകളില്‍ റെയ്ഡ്; ഒരു ഹോട്ടല്‍ അടച്ചുപൂട്ടി
Jul 20, 2012, 13:08 IST
പഴയ ബസ്സ്റ്റാന്‍ഡിനു സമീപത്തെ എട്ട് ഹോട്ടലുകളിലും കെ.പി.ആര്‍. റാവു റോഡിലെ ഏഴ് ഹോട്ടലുകളിലും റെയ്ഡ് നടത്തി. പലയിടത്തുനിന്നും പഴകിയ ഭക്ഷണങ്ങള്‍ പിടികൂടിയിട്ടുണ്ട്. കെ.എസ്.ആര്‍.ടി.സി. ബസ്സ്റ്റാന്റിലെ പുതിയ കെട്ടിടത്തില്‍ പ്രവര്‍ത്തിക്കുന്ന കാന്‍്‌റീനിലെ കുടിവെള്ളത്തില്‍ മാലിന്യംകണ്ടെത്തിയതിനെതുടര്‍ന്ന് വെള്ളത്തിന്റെ സാമ്പിള്‍ പരിശോധനയ്ക്ക് എടുത്തിട്ടുണ്ട്. കാന്റീന്‍ പൂട്ടുമെന്നാണ് സൂചന മിക്കഹോട്ടലുകളുടെയും ലൈസന്‍സുകള്‍ പിടിച്ചെടുത്തിട്ടുണ്ട്.
പുതിയ ബസ്സ്റ്റാന്‍ഡിലെ ഹോട്ടലുകളിലും വെള്ളിയാഴ്ച ഉച്ചയോടെ പരിശോധന ആരംഭിച്ചിട്ടുണ്ട്. ഹോട്ടലുകളിലെ ബാത്ത്‌റൂമിനോട് ചേര്‍ന്ന സ്ഥലത്ത് ഭക്ഷണ സാധനങ്ങള്‍ തുറന്നുവെച്ചിരിക്കുന്നതായും കണ്ടെത്തിയിട്ടുണ്ട്. മിക്ക ഹോട്ടലുകളുടെയും അടുക്കള വൃത്തിഹീനമാണ്. ബേക്കറി കടകളിലും, കൂള്‍ ബാറുകളിലും, മില്‍ക്ക് ഷേക്ക് കടകളിലും പരിശോധന നടത്തിയിട്ടുണ്ട്. മിക്കഹോട്ടലുകളുടെയും ചെമ്പ് പാത്രങ്ങളും അലൂമിനിയം പാത്രങ്ങളും കറപിടിച്ചനിലയിലായിരുന്നു. ഇവയും പിടിച്ചെടുത്തിട്ടുണ്ട്. ചിലഹോട്ടലുകളില്‍ വ്യാഴാഴ്ച വൈകിട്ടും പരിശോധന നടത്തിയിരുന്നു.
ആരോഗ്യവകുപ്പ് ഹെല്‍ത്ത് സൂപ്പര്‍വൈസര്‍ രഘുനാഥ്, ഹെല്‍ത്ത് ഇന്‍സ്‌പെക്ടര്‍ കൃഷ്ണന്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ രാജഗോപാലന്‍, അജീഷ്, സൂധീര്‍ എന്നിവര്‍ പരിശോധനയ്ക്ക് നേതൃത്വം നല്‍കി.
Keywords: Kasaragod, Hotel, Raid, New Kerala Hotel, New Bus Stand, Old Bus Stand
Tags
Share this story
