ആശുപത്രി കാന്റീനിലെ അഴുക്കുവെള്ളം വാര്‍ഡ് പരിസരത്ത്

By Desk DeltaNov 23, 2013, 12:34 IST

കാസര്‍കോട്: ആശുപത്രി കാന്റീനിലെ അഴുക്കുവെള്ളം വാര്‍ഡിന് മുന്നിലൂടെ റോഡിലേക്ക് ഒഴുകുന്നു. ഇതുമൂലം പ്രദേശത്ത് അസഹ്യമായ ദുര്‍ഗന്ധം അനുഭവപ്പെടുകയും കൊതുകും രോഗാണുക്കളും പെരുകുകയും ചെയ്യുന്നു.

കാന്റീനിലെ അഴുക്ക് വെള്ളത്തിന് പുറമെ ഭക്ഷണ അവശിഷ്ടങ്ങളും കാന്റീനിന് മുന്നിലൂടെ ഒഴുകി പിറകുവശത്തൂടെ പോകുന്ന നായക്‌സ് റോഡില്‍ ചെന്നു പതിക്കുകയാണ്. നേരത്തെ പ്രസവ വാര്‍ഡ് പ്രവര്‍ത്തിച്ചിരുന്ന സ്ഥലത്താണ് ഇപ്പോള്‍ കാന്റീന്‍ പ്രവര്‍ത്തിക്കുന്നത്. ഇവിടെ നിന്നുള്ള മലിന ജലം ഫിസിയോ തെറാപ്പി വാര്‍ഡ് പരിസരത്തൂടെ ഒഴുകിയാണ് റോഡില്‍ ചെന്നുവീഴുന്നത്. മാത്രമല്ല അഴുക്കുവെള്ളം അവിടവിടെ കെട്ടിനില്‍ക്കുന്നതിനാല്‍ അതില്‍ കൊതുകും രോഗാണുക്കളും മുട്ടയിട്ട് പെരുകുന്ന സ്ഥിതിയുമുണ്ട്.

ചെറിയ ഒരു പൈപ്പിലൂടെയാണ് അഴുക്കുവെള്ളം കാന്റീനിന് പുറത്തേക്ക് വീഴുന്നത്. ഇതിന് പുറമെ പൈപ്പ് പൊട്ടി മലിനജലം കാന്റീന്‍ പരിസരത്ത് തന്നെ വീണ് തളംകെട്ടിനില്‍ക്കുന്ന സ്ഥിതിയുമുണ്ട്. കാന്റീന്റെ അകവും പരിസരവും ശരിയായി ശുചീകരിക്കുന്നില്ലെന്ന പരാതി നിലനില്‍ക്കുന്നതിനിടെയാണ് അഴുക്കുവെള്ളം റോഡിലേക്ക് ഒഴുക്കുന്നുവെന്ന പരാതിയും ഉയര്‍ന്നത്.

ശുചിയായ അന്തരീക്ഷത്തില്‍ പ്രവര്‍ത്തിക്കേണ്ട ആശുപത്രി കാന്റീന്‍ വൃത്തിഹീനമായിരിക്കുന്നത് ആശുപത്രിയിലെത്തുന്ന രോഗികളെ ആശങ്കയിലാഴ്ത്തിയിട്ടുണ്ട്. ഇതിന് പുറമെ ആശുപത്രി പരിസരത്തും ശുചീകരണം കാര്യക്ഷമമായി നടക്കുന്നില്ലെന്ന ആക്ഷേപവുമുണ്ട്. ആശുപത്രി മാലിന്യങ്ങള്‍ കൊണ്ടുതള്ളുന്ന വീപ്പ നിറഞ്ഞ് കവിയുകയാണ്. അവ യഥാസമയം കത്തിക്കാനോ സംസ്‌ക്കരിക്കാനോ നടപടിയുണ്ടാകുന്നില്ല.

കാന്റീനിലെ ശുചിത്വ കുറവിനെകുറിച്ച് നേരത്തെ തന്നെ പരാതി ഉയര്‍ന്നിരുന്നു. മാസങ്ങള്‍ക്ക് മുമ്പ് ഇവിടെ നിന്ന് രോഗിക്ക് നല്‍കിയ പാര്‍സല്‍ ചോറില്‍ ചത്ത പാമ്പിനെകണ്ടത് ഏറെ വിവാദമായിരുന്നു. ആശുപത്രി അധികൃതര്‍ കാന്റീന്റെ പ്രവര്‍ത്തനങ്ങളില്‍ വേണ്ടത്ര ഇടപെടാത്തതാണ് പ്രശ്‌നങ്ങള്‍ക്ക് കാരണമെന്ന് നാട്ടുകാര്‍ പറയുന്നു.

കാന്റീന്‍ നിലവിലുള്ള സ്ഥലത്ത് നിന്ന് സൗകര്യപ്രദമായ മറ്റൊരു സ്ഥലത്തേക്ക് മാറ്റാനും ശുചിത്വം ഉറപ്പാക്കാനും നടപടി കൈക്കൊള്ളണമെന്ന് രോഗികളും അവരുടെ സന്ദര്‍ശകരും ആവശ്യപ്പെടുന്നു. ആശുപത്രി പരിസരത്ത് മദ്യ-മയക്കുമരുന്ന് സംഘങ്ങളുടെ അഴിഞ്ഞാട്ടവും പതിവാണ്. അവരെ അമര്‍ചചെയ്യാനും നടപടി വേണമെന്ന് ആവശ്യം ഉയര്‍ന്നിട്ടുണ്ട്.

ആശുപത്രി കാന്റീനിലെ അഴുക്കുവെള്ളം വാര്‍ഡ് പരിസരത്ത്

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, General-hospital, Canteen, West Water, Road, Ward, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.

Advertisement: