തവണ വ്യവസ്ഥയില്‍ ഗൃഹോപകരണ തട്ടിപ്പ്; യുവാവ് കുടുങ്ങി
Jul 15, 2012, 16:04 IST
ഗൃഹോപകരണങ്ങള്‍ വീടുകളില്‍ തവണ വ്യവസ്ഥയില്‍ എത്തിക്കാമെന്ന് പറഞ്ഞ് മുന്‍കൂര്‍ തുക വാങ്ങി വീട്ടുകാരെ കബളിപ്പിക്കുകയായിരുന്നു. കളത്തൂര്‍, നീര്‍ച്ചാല്‍, ബദിയഡുക്ക, കിളിംഗാര്‍, ജാല്‍സൂര്‍ പ്രദേശങ്ങളിലെ നിരവധി പേരാണ് തട്ടിപ്പിനിരയായത്. വ്യാജ ബില്ലുകള്‍ നല്‍കിയാണ് വീട്ടുകാരില്‍ നിന്നും പണം കൈപ്പറ്റിയത്.
തട്ടിപ്പിനിരയായ ഓട്ടോ ഡ്രൈവര്‍ നീര്‍ച്ചാല്‍ രത്‌നഗിരിയിലെ വിനോദാണ് യുവാവിനെ പിടികൂടിയത്. വിവിരമറിഞ്ഞ് തട്ടിപ്പിനിരയായ സ്ത്രീകളുള്‍പ്പെടെയുള്ളവര്‍ എത്തിയാണ് യുവാവിനെ ബദിയഡുക്ക പോലീസിന് കൈമാറിയത്. പോലീസ് യുവാവിനെ ചോദ്യം ചെയ്തു വരികയാണ്. അതേ സമയം മംഗലാപുരത്തെ ഏജന്റിന് തവണ വ്യവസ്ഥയില്‍ ലഭിച്ച പണം കൈമാറിയെന്നും ഗൃഹോപകരണങ്ങളുടെ ഓര്‍ഡര്‍ നല്‍കിയ ശേഷം എജന്റ് മുങ്ങുകയായിരുന്നു വെന്നും യുവാവ് പോലീസിനോട് വെളിപ്പെടുത്തി.
Keywords: Home appliance, Fraud, Youth, Arrest, Badiyadukka
Tags
Share this story
