ആദൂര്‍ സി.ഐക്കെതിരെ നടപടിയെടുക്കുക: ഹിന്ദുഐക്യവേദി

സംഭവത്തില്‍ ഹിന്ദു ഐക്യവേദി സംസ്ഥാന സെക്രട്ടറി എ. ശ്രീധരന്‍, ജില്ലാ പ്രസിഡന്റ് കെ.വി. കുഞ്ഞിക്കണ്ണന്‍, ജനറല്‍ സെക്രട്ടറി പ്രവീണ്‍ കുമാര്‍ കോടോത്ത്, സംഘടനാ സെക്രട്ടറി രഘുറാം കാളിയങ്ങാട് എന്നിവര്‍ പ്രതിഷേധിച്ചു.

ആദൂര്‍ പോലീസ് സ്റ്റേഷന്‍ പരിധിയില്‍ നിന്ന് അറസ്റ്റ് ചെയ്ത അദ്ദേഹത്തെ വിദ്യാനഗര്‍ പോലീസ് സ്റ്റേഷനിലേക്ക് കൊണ്ടുപോയതില്‍ ദുരൂഹതയുണ്ട്. വാഹനത്തില്‍ വെച്ചും അദ്ദേഹത്തെ ക്രൂരമായി
മര്‍ദിച്ചു. നിസാരപ്രശ്‌നത്തില്‍ ബോവിക്കാനത്ത് ഭീകരാന്തരീക്ഷം സൃഷ്ടിച്ച് യുദ്ധക്കളം തീര്‍ത്ത ആദൂര്‍ സി.ഐ. സതീഷ്‌കുമാറിനും എ.എസ്.ഐ. സുഗുണനുമെതിരെ വകുപ്പുതല അന്വേഷണം നടത്തി നടപടി സ്വീകരിച്ചില്ലെങ്കില്‍ ഗുരുതരമായ പ്രത്യാഘാതമുണ്ടാകും.

അടിയന്തരാവസ്ഥയുടെ കറുത്ത നാളുകളെപ്പോലും അതിജീവിച്ച പാരമ്പര്യമുള്ള കരുണാകരന്‍ മാസ്റ്ററെ മര്‍ദിച്ച് സംഘടനയെ ഇല്ലാതാക്കാമെന്നത് സി.ഐയുടെ വ്യാമോഹം മാത്രമാണെന്നും ഇതിന് കനത്ത വില നല്‍കേണ്ടി വരുമെന്നും നേതാക്കള്‍ ഓര്‍മപ്പെടുത്തി.