പൈതൃകത്തിന്റെ വീണ്ടെടുപ്പുമായി വാദീതൈ്വബയില്‍ പൈതൃകം എക്‌സിവിഷന്‍

വാദീത്വയ്ബ: സുന്നി യുവജന സംഘം അറുപതാം വാര്‍ഷിക സമ്മേളനത്തോടനുബന്ധമായി വാദീ ത്വയ്ബയില്‍ സജ്ജമാക്കിയ പൈതൃകം ഇസ്ലാമിക് എക്‌സിബിഷന്‍ ജനശ്രദ്ധ നേടുന്നു. സമ്മേളന നഗരിയുടെ പടിഞ്ഞാറു വശത്തായി ഒരുക്കിയ പ്രദര്‍ശനം ഇസ്ലാമിക ചരിത്രത്തിന്റെയും പാരമ്പര്യത്തിന്റെയും വേറിട്ട ദൃശ്യ വസന്തമൊരുക്കുന്നു.

പൈതൃകത്തിന്റെ പതിനഞ്ച് നൂറ്റാണ്ട് എന്ന സമ്മേളന പ്രമേയത്തിന്റെ പരിപൂര്‍ണ്ണമായ ദൃശ്യ-ശ്രാവ്യ സാക്ഷാല്‍കാരമാണ് പ്രദര്‍ശനത്തിലെ നാല്‍പതോളം സ്റ്റാളുകള്‍. ഇന്ത്യന്‍ ഇസ്‌ലാമിക വാസ്തു ശില്‍പ വിദ്യയുടെ അമര പ്രതീകമായ ഖുത്തബ്മിനാറിന്റെ മാതൃകയിലാണ് പ്രവേശന കവാടം ഒരുക്കിയിരിക്കുന്നത്.

ഇസ്‌ലാമിക പൂര്‍വ്വ അറേബ്യന്‍ ചരിത്രം മുതല്‍ പ്രവാചക ചരിത്രത്തിന്റെ നാള്‍വഴികള്‍ വരെ ടെക്‌നോളജിയുടെ സഹായത്തോടെ മിഴിവു ചോരാതെ ഒരുക്കിയിരിക്കുന്നു സംഘാടകര്‍. അറേബ്യന്‍ ജാഹിലിയ്യത്തിന്റ വഴക്കങ്ങള്‍ മുതല്‍ ഇരുപത്തി മൂന്ന് വര്‍ഷം കൊണ്ട് ഇസ്‌ലാം സൃഷ്ടിച്ച അതുല്യ വിപ്ലവത്തിന്റെ ചരിത്രം സ്റ്റാളുകളിലൂടെ അനാവൃതമാവുന്നു.

കേരളക്കരയില്‍ ഇസ്‌ലാം എത്തിയതു മുതല്‍ തളങ്കരയില്‍ തുടങ്ങി സമസ്ത കേരള ജംഇയ്യത്തുല്‍ ഉലമയില്‍ എത്തി നില്‍ക്കുന്ന യുഗങ്ങളുടെ നവോത്ഥാന ചരിതവും പരാമര്‍ശ വിധേയമാവുന്നുണ്ട്. പൊന്നാനിയുടെ പളളി മഹാത്മ്യത്തിന്റെയും മഖ്ദൂം വൈജ്ഞാനിക നവോത്ഥാനത്തിന്റെയും ദൃശ്യാവിഷ്‌കാരമായി ഏഴു മിനിറ്റ് ദൈര്‍ഘ്യമുളള വീഡിയോയുടെ മുഴുവന്‍ സമയ പ്രദര്‍ശനവും നടക്കുന്നുണ്ട്. മലയാളി മുസ്‌ലിമിന്റെ വൈദേശിക വിരുദ്ധ ചെറുത്തു നില്‍പുകളുടെ ചരിത്രം പറയുന്നു മലബാര്‍ സമര സ്റ്റാള്‍.

പൈതൃകം എക്‌സിവിഷന്‍ എസ്.വൈ.എസ്. നേതാക്കള്‍ സന്ദര്‍ശിക്കുന്നു

സംസ്ഥാനത്തിന്റെ വിവിധ ഭാഗങ്ങളില്‍ നിന്നുളള ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റി ഉള്‍പെടെ പത്തോളം വിദ്യാഭ്യാസ സ്ഥാപനങ്ങള്‍ അണി നിരക്കുന്ന മല്‍സരവും പ്രദര്‍ശന നഗരിയിലുണ്ട്. വിവിധ എഞ്ചിനീയറിംഗ് കോളജുകളുടെ സ്റ്റാളുകള്‍ വിവര സാങ്കേതിക വിദ്യയുടെ പുരോഗമനത്തെ അടയാളപ്പെടുത്തുന്നു.  

കേരള സ്റ്റേറ്റ് സയന്‍സ് ആന്റ് ടെക്‌നോളജി മ്യൂസിയത്തിന്റെ മൊബൈല്‍ എക്‌സിബിഷന്‍ വിദ്യാര്‍ത്ഥി ശ്രദ്ധ നേടിയിട്ടുണ്ട്. പ്രശസ്ത ഫോട്ടോ ഗ്രാഫര്‍മാരായ അജീബ് കൊമാച്ചിയുടെയും മധുരാജിന്റെയും ഫോട്ടോ പ്രദര്‍ശനവും നാണയ പ്രദര്‍ശനവുമുണ്ട്. ആദ്യ ദിനം തന്നെ നല്ല പ്രതികരണമാണ് സന്ദര്‍ശകരില്‍ നിന്ന് ലഭിച്ചത് എന്ന് ജനറല്‍ കണ്‍വീനര്‍ സയ്യിദ് ഹുസൈന്‍ തങ്ങള്‍ മാസ്തിക്കുണ്ട് പറഞ്ഞു.

പാണക്കാട് സാബിഖലി തങ്ങള്‍ ഉല്‍ഘാടനം നിര്‍വഹിച്ചു. മെട്രോ മുഹമ്മദ് ഹാജി, ഖത്തര്‍ ഇബ്രാഹിം ഹാജി കളനാട്, ചെയര്‍മാന്‍ സി.എം കുട്ടി സഖാഫി, ബുര്‍ഹാന്‍ തങ്ങള്‍, ബാസിം ഗസ്സാലി, ഉമര്‍ വാഫി, അബ്ദുസ്സമദ് വാഫി ഉദ്ഘാടന ചടങ്ങില്‍ പങ്കെടുത്തു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Keywords: Heritage exhibition on Wadi Thwaiba,  Exhibition,  SYS, SYS State Conference, SKSSF, Kasaragod, Complaint, Bank, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: