ഏരിയാ സെക്രട്ടറിയെ മാറ്റാനുള്ള തീരുമാനം ; ബേഡകം സി.പി.എമ്മില്‍ പൊട്ടിത്തെറി
Oct 26, 2012, 13:02 IST
ഒരു വര്‍ഷം മുമ്പ് നടന്ന ഏരിയാ സമ്മേളനത്തില്‍ അന്നത്തെ സെക്രട്ടറിയായിരുന്ന പി.ദിവാകരനടക്കം അഞ്ചുപേരെ തോല്‍പിച്ചാണ് ബാലന്റെ നേതൃത്വത്തില്‍ പുതിയ കമ്മിറ്റി നിലവില്‍ വന്നത്. ഈ സമ്മേളനത്തില്‍ പ്രകടമായ വിഭാഗീയത ഉണ്ടായതായി ജില്ലാ കമ്മിറ്റി നിയോഗിച്ച അന്വേഷണ കമ്മീഷന്‍ റിപ്പോര്‍ട്ടു ചെയ്തിരുന്നു.
തുടര്‍ച്ചയായി ഏരിയാ കമ്മിറ്റി യോഗങ്ങളില്‍ പങ്കെടുക്കാത്തതിന് കുറ്റിക്കോല്‍ പഞ്ചായത്ത് പ്രസിഡന്റ് പി.ഗോപാലന്‍ മാസ്റ്റര്‍, കെ.പി.രാമചന്ദ്രന്‍, എ.മാധവന്‍, എം.ഗോപാലന്‍ എന്നിവരെ ശാസിക്കാനും ജില്ലാ കമ്മിറ്റി യോഗം തീരുമാനിച്ചിട്ടുണ്ട്. നവംബര്‍ മൂന്നിന് ജില്ലാ കമ്മിറ്റി യോഗം ചേര്‍ന്ന് തീരുമാനം നടപ്പാക്കും. സംസ്ഥാന സമിതിയുടെ അംഗീകാരത്തോടെയാണ് ജില്ലാ കമ്മിറ്റി പുതിയ തീരുമാനം കൈകൊണ്ടത്. സമ്മേളന വേളയില്‍ പാനല്‍ അവതരിപ്പിച്ച അന്നത്തെ സെക്രട്ടറി ദിവാകരനടക്കം അഞ്ചുപേര്‍ തോല്‍ക്കാനിടയായതില്‍ പ്രതിഷേധിച്ച് അവരെ അനുകൂലിക്കുന്ന ഒരു വിഭാഗം പാര്‍ട്ടി പ്രവര്‍ത്തകര്‍ സമ്മേളന നഗരിയിലടക്കം കരിങ്കൊടി ഉയര്‍ത്തിയതും പൊതുസമ്മേളനം ഉല്‍ഘാടനം ചെയ്യാനെത്തിയ സംസ്ഥാന സെക്രട്ടറി പിണറായി വിജയന്‍ താമസിച്ച വീടിനു നേരെ കരിയോയിലൊഴിച്ചതും വിവാദമായിരുന്നു.
സമ്മേളനത്തിലെ വിഭാഗീയതയെ തുടര്‍ന്ന, പരാജയപ്പെട്ട മുന്‍ സെക്രട്ടറി പി. ദിവാകരന്‍, ചന്ദ്രന്‍ പാലക്കല്‍, സി.അമ്പു, ബി. രാഘവന്‍, ജി.രാജേഷ് ബാബു എന്നിവരെ നിലവിലുള്ള 17 അംഗ ഏരിയാ കമ്മിറ്റിയിലുള്‍പെടുത്താനും വ്യഴാഴ്ച ചേര്‍ന്ന യോഗത്തില്‍ തീരുമാനമായി.
ബേഡകം പ്രശ്‌നത്തില്‍ ജില്ലാ കമ്മിറ്റി കൈകൊണ്ട തീരുമാനത്തിനെതിരെ സി.പി.എം. ജില്ലാ സെക്രട്ടേറിയറ്റ് അംഗവും മുന്‍ എം.എല്‍.എ.യുമായ പി.രാഘവന്‍ രംഗത്തെത്തിയിട്ടുണ്ട്. താന്‍ പാര്‍ട്ടി സ്ഥാനങ്ങള്‍ രാജിവെക്കുമെന്ന ഭീഷണിയും അദ്ദേഹം മുഴക്കിയിട്ടുണ്ടെന്നാണ് അദ്ദേഹവുമായി അടുപ്പമുള്ളവര്‍ പറയുന്നത്.പുതിയ തീരുമാനം ബേഡകത്തെ പാര്‍ട്ടിക്കുള്ളില്‍ വന്‍ പൊട്ടിത്തെറിക്ക് വഴിവെക്കുമെന്ന് രാഷ്ട്രീയ കേന്ദ്രങ്ങള്‍ വിലയിരുത്തുന്നു.
Keywords : Secretary, Bedakam, Kasaragod, Committee, State- Committee, Political Party, District-Conference, Secretary, Commission Siting, President, Kerala
Tags
Share this story
