ഗ്രാമ പ്രദക്ഷിണവും അക്ഷര ദീപം കൊളുത്തല്‍ പരിപാടിയും ശ്രദ്ധേയമാ­യി

ഗ്രന്ഥശാല ദിനാചരണത്തിന്റെ ഭാഗമായി ചെറുകാനം ജനക്ഷേമ സമിതി നേതൃത്വത്തില്‍ നടന്ന ഗ്രാമ പ്രദക്ഷിണവും അക്ഷര ദീപം കൊളുത്ത­ലും

തൃക്കരി­പ്പൂര്‍: ഗ്രന്ഥ ശാലാ ദിനാചരണത്തിന്റെ ഭാഗമായി തൃക്കരിപ്പൂര്‍ ചെറുകാനം ജനക്ഷേമ സമിതി വായനശാലയുടെ ആഭിമിഖ്യത്തില്‍ നടത്തിയ ഗ്രാമ പ്രദക്ഷിണവും അക്ഷര ദീപം കൊളുത്തല്‍ പരിപാടിയും ശ്രദ്ധേയമാ­യി.

ചെറുകാനം വായനശാല പരിസരത്ത് നിന്നാണ് ഗ്രാമ പ്രദക്ഷിണം ആരംഭിച്ചത്. മനോഹരമായി കൊത്തിയെടുത്ത അക്ഷരങ്ങളുടെ പ്ലക്കാര്‍ഡും ഏന്തി കുട്ടികളും ദീപം തെളിയിച്ച താലപൊലിയുമായി ബാലികമാരും കേരളീയ വേഷത്തില്‍ വനിതകളും അണിനിരന്ന ഗ്രാമ പ്രദക്ഷിണ യാത്ര തൃക്കരി­പ്പൂര്‍ ടൗണ്‍ ചുറ്റി തങ്കയം മുക്കിലാണ് സമാപിച്ചത്. വാദ്യമേളങ്ങള്‍ യാത്രയ്ക്ക് കൊഴുപ്പേകി.


തങ്കയം മുക്കില്‍ വാഴപ്പോളയില്‍ പ്രത്യേകം തയ്യാറാക്കിയ ആല്‍വിളക്കിലെ ചിരാതിലേക്ക് നൂറു കണക്കിന് അക്ഷര ദീപം പകര്‍ന്നു. ഗ്രാമ പ്രദക്ഷിണ യാത്രക്ക് കെ. വ­ത്സല, സൗദ മോഹന്‍ , പി.പി. സജിത, വനജ ബാലകൃ­ഷ്ണന്‍, കെ. ഗീത, ടി. ഷീബ , കെ.വി. മോഹനന്‍ , എ. രാജീവന്‍, കെ. ശശിധരന്‍, സി. ബാലകൃഷ്ണന്‍ തുടങ്ങിയവര്‍ നേതൃത്വം നല്‍കി.