സര്‍ക്കാര്‍ അറിയിപ്പുകള്‍ 12.12.2012
Dec 12, 2012, 13:31 IST
പോലീസ് ബസ് ലേലം ചെയ്യുന്നു
ജില്ലാ സായുധസേനാ വിഭാഗം അസിസ്റ്റന്റ് കമാണ്ടന്റിന്റെ കാര്യാലയത്തിലുള്ള ഡിപ്പാര്‍ട്ട്‌മെന്റ് വാഹനമായ KL-14A/5024 നമ്പര്‍ 1995 മോഡല്‍ ഐഷര്‍ ബസ്സ് 2013 ജനുവരി 23ന് 11 മണിക്ക് ലേലം ചെയ്യുമെന്ന് ജില്ലാ പോലീസ് മേധാവി അറിയിച്ചു. ദര്‍ഘാസുകള്‍ ജനുവരി 21ന് രണ്ട് മണിക്കകം നല്‍കണം. കൂടുതല്‍ വിവരങ്ങള്‍ക്ക് അസിസ്റ്റന്റ് കമാണ്ടിന്റെ ഓഫീസുമായി ബന്ധപ്പെടാവുന്നതാണ്.
സെക്രട്ടറിയേറ്റ്, പി എസ് സി, എല്‍ എഫ് എ അസിസ്റ്റന്റ് ഓഡിറ്റര്‍ പരീക്ഷ ജനുവരി 5ന്
ഗവ. സെക്രട്ടറിയേറ്റ്, പി എസ് സി, ലോക്കല്‍ ഫണ്ട് ഓഡിറ്റ് മുതലായ സ്ഥാപനങ്ങളില്‍ അസിസ്റ്റന്റ് ഓഡിറ്റര്‍ തസ്തികയിലേക്ക് നേരിട്ടും കാറ്റഗറി നമ്പര്‍ 436/2012 തസ്തികമാറ്റം വഴിയും കാറ്റഗറി നമ്പര്‍ 437/2012 അപേക്ഷ സമര്‍പ്പിച്ച ഉദ്യോഗാര്‍ത്ഥികള്‍ക്ക് 2013 ജനുവരി അഞ്ചിന് ഉച്ചയ്ക്ക് ശേഷം രണ്ട് മണിമുതല്‍ 3.15 വരെ ജില്ലയിലെ വിവിധ പരീക്ഷാകേന്ദ്രങ്ങളില്‍ ഒബ്ജക്റ്റീവ് മാതൃകയിലുള്ള ഒരു ഒ.എം.ആര്‍ പരീക്ഷ നടത്തുന്നതാണ്. കാറ്റഗറി നമ്പര്‍ 436/2012, 437/2012 തസ്തികമാറ്റം വഴി പ്രകാരം രണ്ട് വിഭാഗങ്ങളിലേക്ക് പരിഗണിക്കുവാന്‍ വേണ്ടി വെവ്വേറെ അപേക്ഷകള്‍ സമര്‍പ്പിച്ച ഉദ്യോഗാര്‍ത്ഥികള്‍ പൊതു പരീക്ഷ നടക്കുന്ന കാസര്‍കോട് ബി.ഇ.എം. ഹയര്‍ സെക്കന്‍ഡറി സ്‌കൂളില്‍ പരീക്ഷ എഴുതേണ്ടതാണ്. അല്ലാത്ത പക്ഷം നേരിട്ടുള്ള നിയമനത്തിനായി 436/2012 കാറ്റഗറി പ്രാകാരമുള്ള പരീക്ഷാകേന്ദ്രത്തില്‍ പരീക്ഷ എഴുതിയാല്‍ കാറ്റഗറി നമ്പര്‍-437/2012 പ്രകാരം തസ്തികമാറ്റം മുഖേനയുള്ള തെരഞ്ഞെടുപ്പിന് പരിഗണിക്കുന്നതല്ല.
പരീക്ഷ എഴുതുവാന്‍ സ്‌ക്രൈബിനെ ആവശ്യമുള്ള അര്‍ഹരായ വികലാംഗ ഉദ്യോഗാര്‍ത്ഥികള്‍ അതിനായി ഡിംസബര്‍ 20നകം അഡ്മിഷന്‍ ടിക്കറ്റിന്റെ പകര്‍പ്പും അംഗവൈകല്യം തെളിയിക്കുന്ന മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റും സഹിതം ജില്ലാ പി എസ് സി ഓഫീസര്‍ക്ക് അപേക്ഷ സമര്‍പ്പിക്കേണ്ടതാണ്. പരീക്ഷയുടെ ഹാള്‍ ടിക്കറ്റ് കമ്മീഷന്റെ www.keralapsc.org എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് എടുക്കേണ്ടതാണ്. ബാര്‍കോഡ് നഷ്ടപ്പെട്ട ഉദ്യോഗാര്‍ത്ഥികള്‍ ജില്ലാ പി എസ് സി ഓഫീസുമായി ബന്ധപ്പെടേണ്ടതാണ്.
വി ഇ ഒ സര്‍ട്ടിഫിക്കറ്റ് പരിശോധന
ജില്ലയില്‍ ഗ്രാമവികസന വകുപ്പില്‍ വില്ലേജ് എക്സ്റ്റന്‍ഷന്‍ ഓഫീസര്‍ ഗ്രേഡ് II (പട്ടികവര്‍ഗ്ഗക്കാര്‍ക്കുള്ള പ്രത്യേക നിയമനം) തസ്തികയുടെ സാധ്യതാ പട്ടിക ഡിസംബര്‍ ഏഴിന് പ്രസിദ്ധീകരിച്ചു. പട്ടികയില്‍ ഉള്‍പ്പെട്ട മുഴുവന്‍ ഉദ്യോഗാര്‍ത്ഥികളുടെയും അസ്സല്‍ സര്‍ട്ടിഫിക്കറ്റ് പരിശോധന ഡിസംബര്‍ 18ന് രാവിലെ 10 മണിക്ക് കാസര്‍കോട് പുലിക്കുന്നിലെ മുനിസിപ്പല്‍ ഓഫീസ് റോഡ്, ടൈഗര്‍ ഹില്‍സിലെ ജില്ലാ പി എസ് സി ഓഫീസില്‍ നടക്കും. ഉദ്യോഗാര്‍ത്ഥികള്‍ വിജ്ഞാപനത്തില്‍ പറഞ്ഞിട്ടുള്ള രേഖകളുമായി സര്‍ട്ടിഫിക്കറ്റ് പരിശോധനയ്ക്ക് നേരിട്ട് ഹാജരാകേണ്ടതാണ്.
ഗോവിന്ദപൈ സ്മാരക കമ്മിറ്റി
ഗോവിന്ദപൈ സ്മാരക കമ്മിറ്റി യോഗം ഡിസംബര്‍ 17ന് 11.30ന് ജില്ലാ കളക്ടറുടെ ചേമ്പറില്‍ ചേരുന്നതാണ്.
റെഡ്‌ക്രോസ് ദ്രുതകര്‍മ്മസേന പരിശീലനം
നീലേശ്വരം മഹാത്മാ എജ്യുക്കേഷണല്‍ കോളജില്‍ നടന്ന റെഡ്‌ക്രോസ് ദ്രുതകര്‍മ്മസേനാ പരിശീലനം ജില്ലാ പോലീസ് ചീഫ് എസ് സുരേന്ദ്രന്‍ ഉദ്ഘാടനം ചെയ്തു. ആര്‍.ടി.ഒ പി.ടി.എല്‍ദോ മുഖ്യാതിഥിയായി. റെഡ്‌ക്രോസ് ജില്ലാ ചെയര്‍മാന്‍ ഇ. ചന്ദ്രശേഖരന്‍ നായര്‍ അദ്ധ്യക്ഷത വഹിച്ചു. അഡ്വ. കെ. ജനാര്‍ദ്ദനന്‍ ഡോ. പി.ടി.രവി, പി.മുരളീധരന്‍, എച്ച്.കെ. മോഹന്‍ദാസ്, കെ. വിജേഷ് എന്നിവര്‍ പ്രസംഗിച്ചു. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ടി.കെ. തങ്കച്ചന്‍, ഡോ. കെ.ജി.പൈ, ഇ.ചന്ദ്രശേഖരന്‍ നായര്‍ എന്നിവര്‍ ക്ലാസ്സെടുത്തു. വാഹനാപകട വിരുദ്ധ പ്രതിജ്ഞയും നടന്നു.
ക്വട്ടേഷന്‍ ക്ഷണിച്ചു
കയ്യൂര്‍ ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ നടക്കുന്ന ജില്ലാ കേരളാ സ്‌കൂള്‍ കലോത്സവത്തിന്റെ സ്റ്റേജ് പന്തല്‍ നിര്‍മ്മിക്കുന്നതിനുള്ള ക്വട്ടേഷന്‍ ക്ഷണിച്ചു. മുദ്രവച്ച ക്വട്ടേഷന്‍ ഡിസംബര്‍ 17 രണ്ടുമണിക്കകം നല്‍കണം. ഫോണ്‍: 944672400, 04672230182.
സ്വയംതൊഴില്‍: 50 യുവാക്കള്‍ക്ക് പരിശീലനം നല്‍കും
സംസ്ഥാന യുവജന ക്ഷേമ ബോര്‍ഡ് വ്യവസായ വകുപ്പിന്റെ സഹകരണത്തോടെ വ്യവസായ സംരഭകത്വ പരിശീലന പരിപാടി സംഘടിപ്പിക്കുന്നു. സ്വയംതൊഴില്‍ ആരംഭിക്കാന്‍ താല്പര്യമുള്ള 18നും 35നും ഇടയില്‍ പ്രായമുള്ള 50 യുവജനങ്ങള്‍ക്കാണ് ഒന്നാംഘട്ടത്തില്‍ ജില്ലയില്‍ പരിശീലനം നല്‍കുക. ഇവരില്‍ നിന്നും 15 പേര്‍ക്ക് വിദഗ്ദപരിശീലനവും മറ്റു സഹായങ്ങളും നല്‍കും. താല്പര്യമുള്ളവര്‍ ഡിസംബര്‍ 15നകം കാസര്‍കോട് സിവില്‍ സ്റ്റേഷനിലുള്ള ജില്ലാ പഞ്ചായത്ത് കെട്ടിടത്തിന്റെ ഒന്നാംനിലയില്‍ പ്രവര്‍ത്തിക്കുന്ന ജില്ലാ യുവജനകേന്ദ്രവുമായി ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക് 9567779879, 9446333003, 04994-256219 എന്നീ നമ്പറുകളില്‍ ബന്ധപ്പെടാവുന്നതാണ്.
കേരളോത്സവം: പ്രൈസ്മണി തുക കൈപ്പറ്റണം
ജില്ലാ കേരളോത്സവത്തിന്റെ അത്‌ലറ്റിക്‌സ്, കലാ മത്സരങ്ങളില്‍ ഒന്ന്, രണ്ട്, മൂന്ന് സ്ഥാനം നേടിയവരും ഗെയിംസ് ഇനങ്ങളില്‍ ഒന്ന്, രണ്ട് സ്ഥാനങ്ങള്‍ നേടിയവരും പ്രൈസ്മണി തുക ഡിസംബര്‍ 20നകം കാസര്‍കോട് ജില്ലാ പഞ്ചായത്ത് ഓഫീസില്‍ നിന്നും കൈപ്പറ്റണം. ഡിസംബര്‍ 20ന് ശേഷം പ്രൈസ്മണി വിതരണം ചെയ്യുന്നതല്ല.
1918 പദ്ധതികള്‍ക്ക് ഉദ്യോഗസ്ഥ തല അംഗീകാരം
നടപ്പുസാമ്പത്തിക വര്‍ഷം തദ്ദേശസ്ഥാപനങ്ങള്‍ ഏറ്റെടുക്കുന്ന 1918 പ്രോജക്ടുകള്‍ക്ക് ബന്ധപ്പെട്ട ജില്ലാ തല ഉദ്യോഗസ്ഥരുടെ അംഗീകാരം ലഭിച്ചു. 5586 പദ്ധതികള്‍ക്ക് കൂടി ഉദ്യോഗസ്ഥ തല അംഗീകാരം ലഭിക്കേണ്ടതുണ്ട്. നടപ്പുവര്‍ഷം ജില്ലാ ആസൂത്രണ സമിതിയുടെ അംഗീകാരം നേടി 7934 പദ്ധതികളാണ് തദ്ദേശസ്ഥാപനങ്ങള്‍ ഏറ്റെടുത്ത് നടപ്പാക്കുക. ഇതില്‍ 7504 പദ്ധതികളുടെയും ഡാറ്റാ എന്‍ട്രി പൂര്‍ത്തിയായി. ഡിസംബര്‍ 17നുള്ളില്‍ ഈ പ്രക്രിയ പൂര്‍ത്തിയാക്കും. വാര്‍ഷിക പദ്ധതിരേഖ ഡിസംബര്‍ 19ന് ചേരുന്ന ജില്ലാ ആസൂത്രണ സമിതി മുന്‍പാകെ അവതരിപ്പിക്കും. പദ്ധതികള്‍ക്ക് അംഗീകാരം നല്‍കുന്നതുമായി ബന്ധപ്പെട്ട നടപടികള്‍ കളക്ടറേറ്റില്‍ ചേര്‍ന്ന ഉദ്യോഗസ്ഥ യോഗം വിലയിരുത്തി. ജില്ലാ പഞ്ചായത്ത് പ്രസിഡണ്ട് പി.പി.ശ്യാമളാദേവി അദ്ധ്യക്ഷയായി. ജില്ലാ പ്ലാനിംഗ് ഓഫീസര്‍ കെ.ജയ സംബന്ധിച്ചു.
കാസര്‍കോട് മഹോത്സവം: സമൂഹ ചിത്രരചന 18ന്
കാസര്‍കോട് മഹോത്സവത്തിന്റെ മുന്നോടിയായി മാനവമൈത്രിക്കായി എന്ന സന്ദേശമുയര്‍ത്തി യുവ ചിത്രകാരന്മാരെ പങ്കെടുപ്പിച്ച് സമൂഹ ചിത്രരചന ഒരുക്കുന്നു. പ്രശസ്ത ചിത്രകാരന്‍ പി.എസ്.പുണിഞ്ചിത്തായയുടെ നേതൃത്വത്തില്‍ ജില്ലാ ഭരണകൂടം ഡിസംബര്‍ 18ന് രാവിലെ ഒന്‍പത് മണിക്ക് ബി.സി.റോഡ് പരിസരത്ത് പ്രത്യേകം സജ്ജീകരിച്ച വേദിയിലാണ് തെരുവോര പെയിന്റിംഗ് സംഘടിപ്പിക്കുന്നത്.
ഡെങ്കിപ്പനി: കാഞ്ഞങ്ങാട് മത്സ്യ മാര്‍ക്കറ്റ് മാറ്റി സ്ഥാപിക്കും
ഡെങ്കിപ്പനി പടരുന്നത് പ്രതിരോധിക്കുന്നതിനായി കാഞ്ഞങ്ങാട് മത്സ്യമാര്‍ക്കറ്റ്, പുഞ്ചാവി ഫിഷ് ലാന്റിംഗ് സെന്ററിലേക്ക് താല്‍ക്കാലികമായി മാറ്റുന്നതിന് ജില്ലാ കളക്ടറുടെ അദ്ധ്യക്ഷതയില്‍ ചേര്‍ന്ന യോഗം തീരുമാനിച്ചു. ജില്ലയില്‍ ഡെങ്കിപ്പനി വ്യാപകമായി പടര്‍ന്നുപിടിച്ചത് കാഞ്ഞങ്ങാട് ആണ്. മത്സ്യമാര്‍ക്കറ്റിലെ മാലിന്യമാണ് ഡെങ്കിപ്പനി പടരുന്നതിന് കാരണമാകുന്നതെന്നാണ് വിലയിരുത്തല്‍. ഇവിടെ വെള്ളം കെട്ടി നില്‍ക്കുന്നത് തടയുന്നതിനായി മത്സ്യമാര്‍ക്കറ്റ് മാറ്റാതെ നിര്‍വ്വാഹമില്ലെന്ന് യോഗത്തില്‍ അഭിപ്രായമുണ്ടായി. മത്സ്യമാര്‍ക്കറ്റിനായി സ്ഥിരംസ്ഥലം കണ്ടെത്തുന്നതുവരെ താല്‍ക്കാലികമായി പുഞ്ചാവിയിലേക്ക് മാറ്റാനാണ് ആലോചന.
അന്യസംസ്ഥാന തൊഴിലാളികള്‍ താമസിക്കുന്ന കെട്ടിടങ്ങളില്‍ ശുചിത്വപരിപാലനം കാര്യക്ഷമമായി നടത്തും. തൊഴില്‍ വകുപ്പിന്റെയും നഗരസഭയുടെയും ഉദ്യോഗസ്ഥര്‍ ഇത്തരം കേന്ദ്രങ്ങളില്‍ പരിശോധന നടത്തും. മതിയായ മാലിന്യ നിര്‍മ്മാര്‍ജ്ജന സംവിധാനമൊരുക്കുംവരെ കെട്ടിട നിര്‍മ്മാണ ജോലികള്‍ നിര്‍ത്തിവെക്കാന്‍ നിര്‍ദ്ദേശം നല്‍കും. കാഞ്ഞങ്ങാട് നഗരത്തിലെ പൊതു കക്കൂസ് പരിപാലനത്തിനായി ചെറിയ തുക ഉപയോക്താക്കളില്‍ നിന്ന് ഈടാക്കും. ഫോഗിംഗും, മാലിന്യ നിര്‍മ്മാര്‍ജ്ജനവും ത്വരിത്തപ്പെടുത്താനും യോഗം തീരുമാനിച്ചു. ജില്ലയില്‍ 81 പേര്‍ക്കാണ് ഇതുവരെ ഡെങ്കിപ്പനി കണ്ടെത്തിയത്.
ജില്ലാ കളക്ടര്‍ പി.എസ്.മുഹമ്മദ് സഗീര്‍ അദ്ധ്യക്ഷനായി. സബ് കളക്ടര്‍ എസ്.വെങ്കിടപതി, എ.ഡി.എം എച്ച്.ദിനേശന്‍, ഡി.എം.ഒ ഡോ.പി.ഗോപിനാഥ്, കാഞ്ഞങ്ങാട് നഗരസഭാ ചെയര്‍പേഴ്‌സണ്‍ ഹസീനാ താജുദ്ദീന്‍ തുടങ്ങിയവര്‍ സംബന്ധിച്ചു.
ജില്ലാ സായുധസേനാ വിഭാഗം അസിസ്റ്റന്റ് കമാണ്ടന്റിന്റെ കാര്യാലയത്തിലുള്ള ഡിപ്പാര്‍ട്ട്‌മെന്റ് വാഹനമായ KL-14A/5024 നമ്പര്‍ 1995 മോഡല്‍ ഐഷര്‍ ബസ്സ് 2013 ജനുവരി 23ന് 11 മണിക്ക് ലേലം ചെയ്യുമെന്ന് ജില്ലാ പോലീസ് മേധാവി അറിയിച്ചു. ദര്‍ഘാസുകള്‍ ജനുവരി 21ന് രണ്ട് മണിക്കകം നല്‍കണം. കൂടുതല്‍ വിവരങ്ങള്‍ക്ക് അസിസ്റ്റന്റ് കമാണ്ടിന്റെ ഓഫീസുമായി ബന്ധപ്പെടാവുന്നതാണ്.
സെക്രട്ടറിയേറ്റ്, പി എസ് സി, എല്‍ എഫ് എ അസിസ്റ്റന്റ് ഓഡിറ്റര്‍ പരീക്ഷ ജനുവരി 5ന്
ഗവ. സെക്രട്ടറിയേറ്റ്, പി എസ് സി, ലോക്കല്‍ ഫണ്ട് ഓഡിറ്റ് മുതലായ സ്ഥാപനങ്ങളില്‍ അസിസ്റ്റന്റ് ഓഡിറ്റര്‍ തസ്തികയിലേക്ക് നേരിട്ടും കാറ്റഗറി നമ്പര്‍ 436/2012 തസ്തികമാറ്റം വഴിയും കാറ്റഗറി നമ്പര്‍ 437/2012 അപേക്ഷ സമര്‍പ്പിച്ച ഉദ്യോഗാര്‍ത്ഥികള്‍ക്ക് 2013 ജനുവരി അഞ്ചിന് ഉച്ചയ്ക്ക് ശേഷം രണ്ട് മണിമുതല്‍ 3.15 വരെ ജില്ലയിലെ വിവിധ പരീക്ഷാകേന്ദ്രങ്ങളില്‍ ഒബ്ജക്റ്റീവ് മാതൃകയിലുള്ള ഒരു ഒ.എം.ആര്‍ പരീക്ഷ നടത്തുന്നതാണ്. കാറ്റഗറി നമ്പര്‍ 436/2012, 437/2012 തസ്തികമാറ്റം വഴി പ്രകാരം രണ്ട് വിഭാഗങ്ങളിലേക്ക് പരിഗണിക്കുവാന്‍ വേണ്ടി വെവ്വേറെ അപേക്ഷകള്‍ സമര്‍പ്പിച്ച ഉദ്യോഗാര്‍ത്ഥികള്‍ പൊതു പരീക്ഷ നടക്കുന്ന കാസര്‍കോട് ബി.ഇ.എം. ഹയര്‍ സെക്കന്‍ഡറി സ്‌കൂളില്‍ പരീക്ഷ എഴുതേണ്ടതാണ്. അല്ലാത്ത പക്ഷം നേരിട്ടുള്ള നിയമനത്തിനായി 436/2012 കാറ്റഗറി പ്രാകാരമുള്ള പരീക്ഷാകേന്ദ്രത്തില്‍ പരീക്ഷ എഴുതിയാല്‍ കാറ്റഗറി നമ്പര്‍-437/2012 പ്രകാരം തസ്തികമാറ്റം മുഖേനയുള്ള തെരഞ്ഞെടുപ്പിന് പരിഗണിക്കുന്നതല്ല.
പരീക്ഷ എഴുതുവാന്‍ സ്‌ക്രൈബിനെ ആവശ്യമുള്ള അര്‍ഹരായ വികലാംഗ ഉദ്യോഗാര്‍ത്ഥികള്‍ അതിനായി ഡിംസബര്‍ 20നകം അഡ്മിഷന്‍ ടിക്കറ്റിന്റെ പകര്‍പ്പും അംഗവൈകല്യം തെളിയിക്കുന്ന മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റും സഹിതം ജില്ലാ പി എസ് സി ഓഫീസര്‍ക്ക് അപേക്ഷ സമര്‍പ്പിക്കേണ്ടതാണ്. പരീക്ഷയുടെ ഹാള്‍ ടിക്കറ്റ് കമ്മീഷന്റെ www.keralapsc.org എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് എടുക്കേണ്ടതാണ്. ബാര്‍കോഡ് നഷ്ടപ്പെട്ട ഉദ്യോഗാര്‍ത്ഥികള്‍ ജില്ലാ പി എസ് സി ഓഫീസുമായി ബന്ധപ്പെടേണ്ടതാണ്.
വി ഇ ഒ സര്‍ട്ടിഫിക്കറ്റ് പരിശോധന
ജില്ലയില്‍ ഗ്രാമവികസന വകുപ്പില്‍ വില്ലേജ് എക്സ്റ്റന്‍ഷന്‍ ഓഫീസര്‍ ഗ്രേഡ് II (പട്ടികവര്‍ഗ്ഗക്കാര്‍ക്കുള്ള പ്രത്യേക നിയമനം) തസ്തികയുടെ സാധ്യതാ പട്ടിക ഡിസംബര്‍ ഏഴിന് പ്രസിദ്ധീകരിച്ചു. പട്ടികയില്‍ ഉള്‍പ്പെട്ട മുഴുവന്‍ ഉദ്യോഗാര്‍ത്ഥികളുടെയും അസ്സല്‍ സര്‍ട്ടിഫിക്കറ്റ് പരിശോധന ഡിസംബര്‍ 18ന് രാവിലെ 10 മണിക്ക് കാസര്‍കോട് പുലിക്കുന്നിലെ മുനിസിപ്പല്‍ ഓഫീസ് റോഡ്, ടൈഗര്‍ ഹില്‍സിലെ ജില്ലാ പി എസ് സി ഓഫീസില്‍ നടക്കും. ഉദ്യോഗാര്‍ത്ഥികള്‍ വിജ്ഞാപനത്തില്‍ പറഞ്ഞിട്ടുള്ള രേഖകളുമായി സര്‍ട്ടിഫിക്കറ്റ് പരിശോധനയ്ക്ക് നേരിട്ട് ഹാജരാകേണ്ടതാണ്.
ഗോവിന്ദപൈ സ്മാരക കമ്മിറ്റി
ഗോവിന്ദപൈ സ്മാരക കമ്മിറ്റി യോഗം ഡിസംബര്‍ 17ന് 11.30ന് ജില്ലാ കളക്ടറുടെ ചേമ്പറില്‍ ചേരുന്നതാണ്.
റെഡ്‌ക്രോസ് ദ്രുതകര്‍മ്മസേന പരിശീലനം
നീലേശ്വരം മഹാത്മാ എജ്യുക്കേഷണല്‍ കോളജില്‍ നടന്ന റെഡ്‌ക്രോസ് ദ്രുതകര്‍മ്മസേനാ പരിശീലനം ജില്ലാ പോലീസ് ചീഫ് എസ് സുരേന്ദ്രന്‍ ഉദ്ഘാടനം ചെയ്തു. ആര്‍.ടി.ഒ പി.ടി.എല്‍ദോ മുഖ്യാതിഥിയായി. റെഡ്‌ക്രോസ് ജില്ലാ ചെയര്‍മാന്‍ ഇ. ചന്ദ്രശേഖരന്‍ നായര്‍ അദ്ധ്യക്ഷത വഹിച്ചു. അഡ്വ. കെ. ജനാര്‍ദ്ദനന്‍ ഡോ. പി.ടി.രവി, പി.മുരളീധരന്‍, എച്ച്.കെ. മോഹന്‍ദാസ്, കെ. വിജേഷ് എന്നിവര്‍ പ്രസംഗിച്ചു. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ടി.കെ. തങ്കച്ചന്‍, ഡോ. കെ.ജി.പൈ, ഇ.ചന്ദ്രശേഖരന്‍ നായര്‍ എന്നിവര്‍ ക്ലാസ്സെടുത്തു. വാഹനാപകട വിരുദ്ധ പ്രതിജ്ഞയും നടന്നു.
ക്വട്ടേഷന്‍ ക്ഷണിച്ചു
കയ്യൂര്‍ ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ നടക്കുന്ന ജില്ലാ കേരളാ സ്‌കൂള്‍ കലോത്സവത്തിന്റെ സ്റ്റേജ് പന്തല്‍ നിര്‍മ്മിക്കുന്നതിനുള്ള ക്വട്ടേഷന്‍ ക്ഷണിച്ചു. മുദ്രവച്ച ക്വട്ടേഷന്‍ ഡിസംബര്‍ 17 രണ്ടുമണിക്കകം നല്‍കണം. ഫോണ്‍: 944672400, 04672230182.
സ്വയംതൊഴില്‍: 50 യുവാക്കള്‍ക്ക് പരിശീലനം നല്‍കും
സംസ്ഥാന യുവജന ക്ഷേമ ബോര്‍ഡ് വ്യവസായ വകുപ്പിന്റെ സഹകരണത്തോടെ വ്യവസായ സംരഭകത്വ പരിശീലന പരിപാടി സംഘടിപ്പിക്കുന്നു. സ്വയംതൊഴില്‍ ആരംഭിക്കാന്‍ താല്പര്യമുള്ള 18നും 35നും ഇടയില്‍ പ്രായമുള്ള 50 യുവജനങ്ങള്‍ക്കാണ് ഒന്നാംഘട്ടത്തില്‍ ജില്ലയില്‍ പരിശീലനം നല്‍കുക. ഇവരില്‍ നിന്നും 15 പേര്‍ക്ക് വിദഗ്ദപരിശീലനവും മറ്റു സഹായങ്ങളും നല്‍കും. താല്പര്യമുള്ളവര്‍ ഡിസംബര്‍ 15നകം കാസര്‍കോട് സിവില്‍ സ്റ്റേഷനിലുള്ള ജില്ലാ പഞ്ചായത്ത് കെട്ടിടത്തിന്റെ ഒന്നാംനിലയില്‍ പ്രവര്‍ത്തിക്കുന്ന ജില്ലാ യുവജനകേന്ദ്രവുമായി ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക് 9567779879, 9446333003, 04994-256219 എന്നീ നമ്പറുകളില്‍ ബന്ധപ്പെടാവുന്നതാണ്.
കേരളോത്സവം: പ്രൈസ്മണി തുക കൈപ്പറ്റണം
ജില്ലാ കേരളോത്സവത്തിന്റെ അത്‌ലറ്റിക്‌സ്, കലാ മത്സരങ്ങളില്‍ ഒന്ന്, രണ്ട്, മൂന്ന് സ്ഥാനം നേടിയവരും ഗെയിംസ് ഇനങ്ങളില്‍ ഒന്ന്, രണ്ട് സ്ഥാനങ്ങള്‍ നേടിയവരും പ്രൈസ്മണി തുക ഡിസംബര്‍ 20നകം കാസര്‍കോട് ജില്ലാ പഞ്ചായത്ത് ഓഫീസില്‍ നിന്നും കൈപ്പറ്റണം. ഡിസംബര്‍ 20ന് ശേഷം പ്രൈസ്മണി വിതരണം ചെയ്യുന്നതല്ല.
1918 പദ്ധതികള്‍ക്ക് ഉദ്യോഗസ്ഥ തല അംഗീകാരം
നടപ്പുസാമ്പത്തിക വര്‍ഷം തദ്ദേശസ്ഥാപനങ്ങള്‍ ഏറ്റെടുക്കുന്ന 1918 പ്രോജക്ടുകള്‍ക്ക് ബന്ധപ്പെട്ട ജില്ലാ തല ഉദ്യോഗസ്ഥരുടെ അംഗീകാരം ലഭിച്ചു. 5586 പദ്ധതികള്‍ക്ക് കൂടി ഉദ്യോഗസ്ഥ തല അംഗീകാരം ലഭിക്കേണ്ടതുണ്ട്. നടപ്പുവര്‍ഷം ജില്ലാ ആസൂത്രണ സമിതിയുടെ അംഗീകാരം നേടി 7934 പദ്ധതികളാണ് തദ്ദേശസ്ഥാപനങ്ങള്‍ ഏറ്റെടുത്ത് നടപ്പാക്കുക. ഇതില്‍ 7504 പദ്ധതികളുടെയും ഡാറ്റാ എന്‍ട്രി പൂര്‍ത്തിയായി. ഡിസംബര്‍ 17നുള്ളില്‍ ഈ പ്രക്രിയ പൂര്‍ത്തിയാക്കും. വാര്‍ഷിക പദ്ധതിരേഖ ഡിസംബര്‍ 19ന് ചേരുന്ന ജില്ലാ ആസൂത്രണ സമിതി മുന്‍പാകെ അവതരിപ്പിക്കും. പദ്ധതികള്‍ക്ക് അംഗീകാരം നല്‍കുന്നതുമായി ബന്ധപ്പെട്ട നടപടികള്‍ കളക്ടറേറ്റില്‍ ചേര്‍ന്ന ഉദ്യോഗസ്ഥ യോഗം വിലയിരുത്തി. ജില്ലാ പഞ്ചായത്ത് പ്രസിഡണ്ട് പി.പി.ശ്യാമളാദേവി അദ്ധ്യക്ഷയായി. ജില്ലാ പ്ലാനിംഗ് ഓഫീസര്‍ കെ.ജയ സംബന്ധിച്ചു.
കാസര്‍കോട് മഹോത്സവം: സമൂഹ ചിത്രരചന 18ന്
കാസര്‍കോട് മഹോത്സവത്തിന്റെ മുന്നോടിയായി മാനവമൈത്രിക്കായി എന്ന സന്ദേശമുയര്‍ത്തി യുവ ചിത്രകാരന്മാരെ പങ്കെടുപ്പിച്ച് സമൂഹ ചിത്രരചന ഒരുക്കുന്നു. പ്രശസ്ത ചിത്രകാരന്‍ പി.എസ്.പുണിഞ്ചിത്തായയുടെ നേതൃത്വത്തില്‍ ജില്ലാ ഭരണകൂടം ഡിസംബര്‍ 18ന് രാവിലെ ഒന്‍പത് മണിക്ക് ബി.സി.റോഡ് പരിസരത്ത് പ്രത്യേകം സജ്ജീകരിച്ച വേദിയിലാണ് തെരുവോര പെയിന്റിംഗ് സംഘടിപ്പിക്കുന്നത്.
ഡെങ്കിപ്പനി: കാഞ്ഞങ്ങാട് മത്സ്യ മാര്‍ക്കറ്റ് മാറ്റി സ്ഥാപിക്കും
ഡെങ്കിപ്പനി പടരുന്നത് പ്രതിരോധിക്കുന്നതിനായി കാഞ്ഞങ്ങാട് മത്സ്യമാര്‍ക്കറ്റ്, പുഞ്ചാവി ഫിഷ് ലാന്റിംഗ് സെന്ററിലേക്ക് താല്‍ക്കാലികമായി മാറ്റുന്നതിന് ജില്ലാ കളക്ടറുടെ അദ്ധ്യക്ഷതയില്‍ ചേര്‍ന്ന യോഗം തീരുമാനിച്ചു. ജില്ലയില്‍ ഡെങ്കിപ്പനി വ്യാപകമായി പടര്‍ന്നുപിടിച്ചത് കാഞ്ഞങ്ങാട് ആണ്. മത്സ്യമാര്‍ക്കറ്റിലെ മാലിന്യമാണ് ഡെങ്കിപ്പനി പടരുന്നതിന് കാരണമാകുന്നതെന്നാണ് വിലയിരുത്തല്‍. ഇവിടെ വെള്ളം കെട്ടി നില്‍ക്കുന്നത് തടയുന്നതിനായി മത്സ്യമാര്‍ക്കറ്റ് മാറ്റാതെ നിര്‍വ്വാഹമില്ലെന്ന് യോഗത്തില്‍ അഭിപ്രായമുണ്ടായി. മത്സ്യമാര്‍ക്കറ്റിനായി സ്ഥിരംസ്ഥലം കണ്ടെത്തുന്നതുവരെ താല്‍ക്കാലികമായി പുഞ്ചാവിയിലേക്ക് മാറ്റാനാണ് ആലോചന.
അന്യസംസ്ഥാന തൊഴിലാളികള്‍ താമസിക്കുന്ന കെട്ടിടങ്ങളില്‍ ശുചിത്വപരിപാലനം കാര്യക്ഷമമായി നടത്തും. തൊഴില്‍ വകുപ്പിന്റെയും നഗരസഭയുടെയും ഉദ്യോഗസ്ഥര്‍ ഇത്തരം കേന്ദ്രങ്ങളില്‍ പരിശോധന നടത്തും. മതിയായ മാലിന്യ നിര്‍മ്മാര്‍ജ്ജന സംവിധാനമൊരുക്കുംവരെ കെട്ടിട നിര്‍മ്മാണ ജോലികള്‍ നിര്‍ത്തിവെക്കാന്‍ നിര്‍ദ്ദേശം നല്‍കും. കാഞ്ഞങ്ങാട് നഗരത്തിലെ പൊതു കക്കൂസ് പരിപാലനത്തിനായി ചെറിയ തുക ഉപയോക്താക്കളില്‍ നിന്ന് ഈടാക്കും. ഫോഗിംഗും, മാലിന്യ നിര്‍മ്മാര്‍ജ്ജനവും ത്വരിത്തപ്പെടുത്താനും യോഗം തീരുമാനിച്ചു. ജില്ലയില്‍ 81 പേര്‍ക്കാണ് ഇതുവരെ ഡെങ്കിപ്പനി കണ്ടെത്തിയത്.
ജില്ലാ കളക്ടര്‍ പി.എസ്.മുഹമ്മദ് സഗീര്‍ അദ്ധ്യക്ഷനായി. സബ് കളക്ടര്‍ എസ്.വെങ്കിടപതി, എ.ഡി.എം എച്ച്.ദിനേശന്‍, ഡി.എം.ഒ ഡോ.പി.ഗോപിനാഥ്, കാഞ്ഞങ്ങാട് നഗരസഭാ ചെയര്‍പേഴ്‌സണ്‍ ഹസീനാ താജുദ്ദീന്‍ തുടങ്ങിയവര്‍ സംബന്ധിച്ചു.
Keywords: Government, Announcements, Kasaragod, Kerala, Malayalam news
Tags
Share this story
