കുമ്പളയില്‍ പതിനാലുകാരി കാമുകനോടൊപ്പം മുങ്ങി

കുമ്പള: കുമ്പളയില്‍ പതിനാലുകാരി കാമുകനോടൊപ്പം മുങ്ങി. കുമ്പള കൃഷ്ണനഗര്‍ അമ്പാറില്‍ താമസിക്കുന്ന യു.പി സ്വദേശി അഗര്‍ ചെമ്പുവിന്റെ മകള്‍ രേഖയാണ് (14) കാമുനോടൊപ്പം മുങ്ങിയത്. യു.പി സ്വദേശിയും കോഴിക്കോട് ഹോളോ ബ്രിക്‌സ് കടയില്‍ ജോലിക്കാരനുമായ രാജുവിനോടൊപ്പമാണ് രേഖ വീടുവിട്ടത്.

രേഖയുടെ പിതാവിന്റെ പരാതിയില്‍ കുമ്പള പോലീസ് കേസെടുത്ത് അന്വേഷണം ആരംഭിച്ചു. രണ്ട് ദിവസം മുമ്പാണ് രേഖയെ കാണാതായത്. വീട്ടുകാര്‍ നടത്തിയ അന്വേഷണത്തിലാണ് കാമുകനായ രാജുവിനേയും കാണാതായതായി വ്യാക്തമായത്. 30 വര്‍ഷമായി കുമ്പളയില്‍ സ്ഥിരതാമസക്കാരാണ് രേഖയുടെ കുടുംബം. രേഖയെ രാജു ഇടയ്ക്കിടെ ഫോണില്‍ ബന്ധപ്പെടാറുണ്ടെന്നും ഏതാനും തവണ വീട്ടില്‍ വന്നിട്ടുണ്ടെന്നും പിതാവ് കുമ്പള പോലീസില്‍ നല്‍കിയ പരാതിയില്‍ പറയുന്നു. പോലീസ് അന്വേഷണം ഊര്‍ജിതമാക്കിയിട്ടുണ്ട്.