കാസര്‍കോട്ടെ കഞ്ചാവ് കേസിലെ മൊത്ത വിതരണക്കാരനായ വസ്ത്രാലയ ഉടമ അറസ്റ്റില്‍

കാസര്‍കോട്: (kasargodvartha.com 19.03.2014) കാസര്‍കോട്ട് കഞ്ചാവ് ഇടപാടിലെ മുഖ്യ സൂത്രധാരനും മൊത്ത വിതരണക്കാരനുമായ വസ്ത്രാലയ ഉടമയെ പോലീസ് അറസ്റ്റ് ചെയ്തു. കഴിഞ്ഞ വര്‍ഷം തളങ്കരയില്‍ രണ്ട് ക്വിന്റല്‍ കഞ്ചാവ് പിടികൂടിയ കേസില്‍ ഇടുക്കി മുരിക്കാശ്ശേരിയിലെ അഞ്ചന സില്‍ക്‌സ് വസ്ത്രാലയ ഉടമ ചെന്നപാറ ഹൗസിലെ സി.ടി രഘു (40) വിനെയാണ് കാസര്‍കോട് നാര്‍ക്കോട്ടിക് സെല്‍ ഡി.വൈ.എസ്.പി കെ.എ സുരേഷ് ബാബുവിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.

കഞ്ചാവ് കടത്തില്‍ സാമ്പത്തിക ഇടപാടും, പണ കൈമാറ്റവും നടത്തിയത് രഘുവാണെന്ന് പോലീസ് അന്വേഷണത്തില്‍ തെളിഞ്ഞതിനെ തുടര്‍ന്നാണ് മൊത്ത വിതരണക്കാരനായ രഘുവിനെ പോലീസ് അറസ്റ്റ് ചെയ്തത്. 15 വര്‍ഷം മുമ്പ് ഇടുക്കിയില്‍ വെച്ച് സെന്‍ട്രല്‍ എക്‌സൈസ് അധികൃതര്‍ കഞ്ചാവ് കേസില്‍ രഘുവിനെ അറസ്റ്റ് ചെയ്തിരുന്നു. കോഫ പോസ കേസില്‍ രണ്ട് വര്‍ഷം തടവ് ശിക്ഷ അനുഭവിച്ചിരുന്നു.

കാസര്‍കോട്ടേക്ക് കഞ്ചാവ് കടത്തലിനും ഇതിന്റെ പണമിടപാട് നിയന്ത്രിക്കുന്നതിനും പിന്നില്‍ രഘുവിന്റെ കരങ്ങളാണെന്നും പോലീസിന്റെ ആഴത്തിലുള്ള അന്വേഷണത്തിലൂടെയാണ് തെളിഞ്ഞത്. ഒട്ടേറെ കണ്ണികളുള്ള ഈ കഞ്ചാവ് കടത്ത് സംഘത്തിന്റെ അടിവേര് തന്നെയാണ് പോലീസ് ഇപ്പോള്‍ അറുത്തിരിക്കുന്നത്.

പ്രതിയെ വ്യാഴാഴ്ച കോടതിയില്‍ ഹാജരാക്കും. ക്വിന്റല്‍ കണക്കിന് കഞ്ചാവാണ് കാസര്‍കോട്ട് കഴിഞ്ഞ ഏതാനും മാസങ്ങള്‍ക്കുള്ളില്‍ പിടികൂടിയത്. സ്ത്രീകള്‍ ഉള്‍പെടെ നിരവധി പേര്‍ കഞ്ചാവ് കടത്ത് കേസില്‍ അറസ്റ്റിലാവുകയും ചെയ്തിട്ടുണ്ട്. ഇടുക്കിയില്‍ നിന്നാണ് കഞ്ചാവ് പ്രധാനമായും കാസര്‍കോട്ടേക്ക് എത്തിച്ചത്. ഇടുക്കി സ്വദേശികളായ ചിലരും നേരത്തെ കേസില്‍ അറസ്റ്റിലായിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read: 
സഹോദരന്റെ നിരന്തര ബലാല്‍സംഗം; പ്രായപൂര്‍ത്തിയാകാത്ത പെണ്‍കുട്ടി ഗര്‍ഭിണിയായി

Keywords : Kasaragod, Ganja, Case, Arrest, Kottayam, Police, DYSP, Idukki, Thalangara, Accuse, Court, Woman, Bail, C.T Raghu. 

Advertisement: