ഗള്‍ഫുകാരന്റെയും ഭര്‍തൃമതിയുടെയും മൃതദേഹങ്ങള്‍ സംസ്‌ക്കരിച്ചു

Sharada

കാസര്‍കോട്: ധര്‍മ്മസ്ഥലയിലെ ലോഡ്ജ് മുറിയില്‍ തൂങ്ങിമരിച്ച ഗള്‍ഫുകാരന്റെയും കാമുകിയായ ഭര്‍തൃമതിയുടെയും മൃതദേഹങ്ങള്‍ സംസ്‌ക്കരിച്ചു. ചെമ്പരിക്ക മാണിയിലെ പരേതനായ ചാള അമ്പാടിയുടെ മകന്‍ ബാലകൃഷ്ണന്‍(45) ബന്ധുവായ ചെര്‍ക്കള വെള്ളികുണ്ടം പാറയിലെ അപ്പയുടെ മകള്‍ ശാരദ(38)യുടെയും മൃതദേഹങ്ങളാണ് ചൊവ്വാഴ്ച അര്‍ധരാത്രിക്ക് ശേഷം ഇരുവരുടെയും സ്വന്തം വീട്ട് പറമ്പില്‍ സംസ്‌ക്കരിച്ചത്. ചൊവ്വാഴ്ച രാവിലെ ധര്‍മ്മസ്ഥല മഞ്ചുനാഥക്ഷേത്ര ലോഡ്ജ് മുറിയിലാണ് കമിതാക്കളെ തൂങ്ങിമരിച്ച നിലയില്‍ കണ്ടെത്തിയത്.

ബാലകൃഷ്ണന്റെ ഭാര്യ വിനോദിനി ആറ് വര്‍ഷം മുമ്പാണ് മരിച്ചത്. ഭാര്യാസഹോദരന്‍ രമേശന്റെ ഭാര്യയാണ് ശാരദ. തിങ്കളാഴ്ചയാണ് ബാലകൃഷ്ണന്റെ മക്കളായ ഉണ്ണികൃഷ്ണന്‍, ഹരികൃഷ്ണന്‍, ശാരദയുടെ മകന്‍ നിഥിന്‍ എന്നിവര്‍ ധര്‍മ്മസ്ഥലത്തെത്തിയത്. കുട്ടികളെ പുറത്ത് കളിക്കാന്‍ വിട്ടശേഷം ഇരുവരും കെട്ടിതൂങ്ങി ജീവനൊടുക്കുകയായിരുന്നു. ബെല്‍ത്തങ്ങാടി പോലീസ് മൃതദേഹങ്ങള്‍ ഇന്‍ക്വസ്റ്റ് നടത്തി.

Also read 
ചെമ്പരിക്ക സ്വദേശിയായ ഗള്‍ഫുകാരനും യുവതിയും ധര്‍മ്മസ്ഥലത്ത് മരിച്ച നിലയില്‍

Keywords: kasaragod, Lodge, suicide