ബൈക്ക് നിയന്ത്രണം വിട്ടുമറിഞ്ഞ് സുഹൃത്തുക്കള്‍ക്ക് ഗുരുതരപരിക്ക്

തോയമ്മല്‍: (www.kasargodvartha.com 28.11.2018) ദേശീയപാതയില്‍ ബൈക്ക് നിയന്ത്രണം വിട്ട് മറിഞ്ഞ് ഗുരുതരമായി പരിക്കേറ്റ സുഹൃത്തുക്കളായ രണ്ടുപേരെ മംഗലാപുരം സ്വകാര്യാശുപത്രിയില്‍ പ്രവേശിപ്പിച്ചു. കാരാട്ടുവയലിലെ അക്ഷയ്(22), ആലാമിപ്പള്ളിയിലെ അനീഷ്(24) എന്നിവര്‍ക്കാണ് പരിക്കേറ്റത്. ചൊവ്വാഴ്ച രാത്രി ജില്ലാശുപത്രിക്ക് സമീപം തോയമ്മലിലാണ് അപകടം.

പരിക്കേറ്റ ഇവരെ പരിസരവാസികള്‍ ഉടന്‍ തന്നെ ജില്ലാശുപത്രിയില്‍ എത്തിക്കുകയും പരിക്ക് ഗുരുതരമായതിനാല്‍ പ്രഥമ ശുശ്രൂഷ നല്‍കി മംഗലാപുരത്തേക്ക് മാറ്റുകയായിരുന്നു. അപകടം നടന്ന ഇതേ സ്ഥലത്ത് ഒരു ദിവസം മുമ്പ് കാര്‍ അപകടത്തില്‍പ്പെട്ടിരുന്നു.