മുന്‍ ഗള്‍ഫ് പ്രവാസി അടച്ചിട്ട വീടിനുള്ളില്‍ തൂങ്ങി മരിച്ച നിലയില്‍

മുളിയാര്‍: (www.kasargodvartha.com 13.10.2019) മുന്‍ ഗള്‍ഫ്പ്രവാസിയെ അടച്ചിട്ട വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. പരേതരായ നാരായണന്‍- കല്യാണി ദമ്പതികളുടെ മകന്‍ എം ബാലകൃഷ്ണന്‍(50) നമ്പ്യാരെയാണ് ഞായറാഴ്ച്ച രാവിലെ മരിച്ച നിലയില്‍ കണ്ടെത്തിയത്. നിയമപരമായി വിവാഹബന്ധം വേര്‍പ്പെടുത്തി ഒറ്റയ്ക്ക് താമസിച്ചു വരികയായിരുന്നു ഇയാള്‍.


സഹോദരന്‍ വിശ്വന്‍ കടയില്‍ പോകാന്‍ നേരത്ത് തനിച്ച് താമസിക്കുന്ന വീട്ടില്‍ രാവിലെ വെളിച്ചം കണ്ടതിനെത്തുടര്‍ന്നാണ് അന്വേഷിച്ചത്. വാതില്‍ അകത്ത് നിന്ന് കുറ്റിയിട്ട നിലയിലായിരുന്നു. ആദൂര്‍ സിഐ കെ കെ പ്രേംസദന്റെ നേതൃത്തില്‍ സംഭവസ്ഥലത്ത് പോലീസെത്തി മൃതദേഹം ഇന്‍ക്വസ്റ്റ് നടത്തി. കാസര്‍കോട് ജനറല്‍ ആശുപത്രിയിലേക്ക് പോസ്റ്റ് മോര്‍ട്ടത്തിനായി മാറ്റും.

നേരത്തെ ഗള്‍ഫിനായിരുന്ന ബാലകൃഷ്ണന്‍ സഹോദരന്‍ നടത്തുന്ന ഹോട്ടലില്‍ ജോലി ചെയ്ത് വരികയായിരുന്നു. മാനസിക വിഷമം മൂലം ബാലകൃഷ്ണന്‍ ആത്മഹത്യ ചെയ്യുകയായിരുന്നു എന്നാണ് പോലീസിന്റെ പ്രാഥമിക നിഗമനം. പോസ്റ്റ് മോര്‍ട്ടം റിപ്പോര്‍ട്ട് ലഭിച്ചാല്‍ മാത്രമെ കൂടുതല്‍ വിവരം ലഭ്യമാവൂകയുള്ളു എന്ന് പോലീസ് പറഞ്ഞു. മറ്റു സഹോദരങ്ങള്‍ മനോജ്, പ്രേമ, ഷീല, ശോഭ.