എസ്.ബി.ടിയുടെയും കൃഷി വകുപ്പിന്റെയും ജോയിന്റ് അക്കൗണ്ടില്‍ നിന്ന് 5ലക്ഷം തട്ടി

കാസര്‍കോട്: കാസര്‍കോട് എസ്.ബി.ടി ബാങ്കിന്റെ അഗ്രികള്‍ച്ചറര്‍ അസിറ്റന്റ് ഡയരക്ടറുടെയും കൃഷി വകുപ്പ് മഞ്ചേശ്വരം അസി. ഡയരക്ടറുടെയും പേരിലുള്ള ജോയിന്റ് അക്കൗണ്ടില്‍ നിന്നും അഞ്ചുലക്ഷം രൂപ തട്ടിയെടുത്ത സംഭവത്തില്‍ കാസര്‍കോട് ടൗണ്‍ പോലീസ് കേസെടുത്ത് അന്വേഷണമാരംഭിച്ചു. എസ്.ബി.ടി അസി.ജനറല്‍ മാനേജറുടെപരാതിയിലാണ് പോലീസ് കേസെടുത്തിരിക്കുന്നത്.
2008 ഒക്ടോബര്‍ മുതല്‍ 2010 മാര്‍ച്ച് വരെയുള്ള കാലയളവില്‍ ചെക്ക് ലീഫുകളില്‍ വ്യാജ ഒപ്പിട്ട് അഞ്ചുലക്ഷം രൂപ പിന്‍വലിച്ചുവെന്നാണ് പരാതി. സംഭവുമായി ബന്ധപ്പെട്ട് കൃഷി വകുപ്പ് ഡിപ്പാര്‍ട്ട്‌മെന്റ് തല അന്വേഷണം നടത്തിവരുന്നുണ്ട്. മഞ്ചേശ്വരം കൃഷി വകുപ്പ് ഓഫീസിലെ ക്ലാര്‍ക്കിനെയും പ്യൂണിനെയും അന്വേഷണ വിധേയമായി സസ്‌പെന്‍ഡ് ചെയ്തിട്ടുണ്ട്.