കഞ്ചാവ് ലഹരിയില്‍ വീട്ടില്‍ അതിക്രമിച്ചെത്തിയ യുവാവ് വാതില്‍ ചവിട്ടിപ്പൊളിച്ച് മത്സ്യത്തൊഴിലാളിയെ കുത്തിപ്പരിക്കേല്‍പിച്ചു

By Web Desk - MainMar 29, 2018, 15:49 IST

ബന്തിയോട്: (www.kasargodvartha.com 29.03.2018) കഞ്ചാവ് ലഹരിയില്‍ വീട്ടില്‍ അതിക്രമിച്ചെത്തിയ യുവാവ് വാതില്‍ ചവിട്ടിപ്പൊളിച്ച് മത്സ്യത്തൊഴിലാളിയെ കുത്തിപ്പരിക്കേല്‍പിച്ചു. മുട്ടം ബേരിക്കയില്‍ വ്യാഴാഴ്ച പുലര്‍ച്ചെയാണ് സംഭവം. മത്സ്യത്തൊഴിലാളിയായ സന്തോഷിനാണ് (22) കുത്തേറ്റത്. വീട്ടില്‍ അതിക്രമിച്ചെത്തിയ യുവാവ് വാതില്‍ തുറക്കാന്‍ ആവശ്യപ്പെടുകയായിരുന്നു. എന്നാല്‍ വാതില്‍ തുറന്നില്ല.

ഇതോടെ പ്രകോപിതനായ യുവാവ് വാതില്‍ ചവിട്ടിപ്പൊളിച്ച ശേഷം സന്തോഷിനെ കുത്തിപ്പരിക്കേല്‍പിക്കുകയായിരുന്നു. വിവരമരിഞ്ഞ് ഓടിയെത്തിയ അയല്‍വാസികളാണ് സന്തോഷിനെ ആശുപത്രിയിലെത്തിച്ചത്. യുവാവ് കഞ്ചാവ് ലഹരിയിലായിരുന്നതായി സന്തോഷ് പറഞ്ഞു.