മത്സ്യത്തൊഴിലാളിയെ വീട്ടിനകത്ത് തൂങ്ങിമരിച്ച നിലയില്‍ കണ്ടെത്തി

By Web Desk - MainAug 7, 2019, 13:43 IST

കാസര്‍കോട്: (www.kasargodvartha.com 07.08.2019) മത്സ്യത്തൊഴിലാളിയെ വീട്ടിനകത്ത് തൂങ്ങിമരിച്ച നിലയില്‍ കണ്ടെത്തി. നെല്ലിക്കുന്ന് കസബ കടപ്പുറത്തെ സതീശനെ (47)യാണ് കിടപ്പുമുറിയില്‍ തൂങ്ങിമരിച്ച നിലയില്‍ കണ്ടെത്തിയത്. ചൊവ്വാഴ്ച രാത്രി ഉറങ്ങാന്‍കിടന്ന സതീശനെ ബുധനാഴ്ച പുലര്‍ച്ചെ അഞ്ചു മണിയോടെ തൂങ്ങിമരിച്ച നിലയില്‍ കണ്ടെത്തുകയായിരുന്നു.

ശ്രീധരന്‍ - സരോജിനി ദമ്പതികളുടെ മകനാണ്. നേരത്തെ മൂന്നു വര്‍ഷത്തോളം പ്രവാസിയായിരുന്നു. ഭാര്യ: ഗീത. മക്കള്‍: ലിജിന, അക്ഷര. സഹോദരങ്ങള്‍: മോഹനന്‍, ലക്ഷ്മി, പ്രമീള, പരേതരായ നഗരസഭ കൗണ്‍സിലര്‍ പ്രേമ, ശ്രീനി.