മുള്ളന്‍പന്നിയുടെ രൂപം; മത്സ്യത്തൊഴിലാളികളുടെ വലയില്‍ കുടുങ്ങിയത് അത്ഭുത മത്സ്യം

By WebDesk OmegaDec 9, 2019, 16:10 IST

കാഞ്ഞങ്ങാട്: (www.kasargodvartha.com 09.12.2019) കാഞ്ഞങ്ങാട് പുഞ്ചാവി കടപ്പുറത്ത് മത്സ്യത്തൊഴിലാളികളുടെ വലയില്‍ കുടുങ്ങിയത് മുള്ളന്‍ പന്നിയുടെ രൂപത്തിലുള്ള അത്ഭുത മത്സ്യം. കറുത്ത പുള്ളികളുള്ള മത്സ്യത്തിന്റെ ദേഹത്ത് മുഴുവന്‍ മുള്ളുകളുള്ളത് അപൂര്‍വ കാഴ്ചയായി.

ഈ അപൂര്‍വ്വ മത്സ്യത്തിന് കൂര്‍ത്തപല്ലുകള്‍ ഉണ്ടായിരുന്നതായും ഇതിന്റെ വായയില്‍ ഇട്ടുകൊടുത്ത സാധനങ്ങള്‍ നിമിഷങ്ങള്‍ക്കുള്ളില്‍ കടിച്ചുമുറിച്ചതായും മത്സ്യ തൊഴിലാളികളായ സുരേന്ദ്രന്‍, വേണു, ഉദയന്‍ എന്നിവര്‍ പറയുന്നു. ഭക്ഷ്യയോഗ്യമായ മത്സ്യമാണോ എന്ന് ഉറപ്പില്ലാത്തതിനാല്‍ ഇതിനെ തിരിച്ച കടലിലേക്ക് വിടുകയായിരുന്നു.