ചൗക്കി ദേശീയപാതയില്‍ മീന്‍ലോറി മറിഞ്ഞു

By Desk DeltaOct 17, 2016, 11:49 IST

കാസര്‍കോട്: (www.kasargodvartha.com 17/10/2016) ചൗക്കി ദേശീയപാതയില്‍ മീന്‍ലോറി നിയന്ത്രണംവിട്ട് മറിഞ്ഞു. ഡ്രൈവര്‍ നിസാരപരിക്കുകളോടെ അത്ഭുതകരമായി രക്ഷപ്പെട്ടു. തിങ്കളാഴ്ച രാവിലെയാണ് അപകടം. കാസര്‍കോട് നിന്നും മംഗളുരൂവിലേക്ക് പോവുകയായിരുന്ന കെ എ 20 ഡി 3495 നമ്പര്‍ മീന്‍ലോറിയാണ് മറിഞ്ഞത്.

നിസാരമായി പരിക്കേറ്റ ഡ്രൈവറെ കാസര്‍കോട് സ്വകാര്യ ആശുപത്രിയില്‍ ചികിത്സനല്‍കി വിട്ടയച്ചു. അപകടവിവരമറിഞ്ഞ് കാസര്‍കോട് ട്രാഫിക് പോലീസ് സ്ഥലത്തെത്തിയാണ് ഗതാഗതതടസം ഒഴിവാക്കിയത്.