കേരള ആരോഗ്യ സര്‍വ്വകലാശാലയില്‍ കാസര്‍കോട്ടെ അഷിമ ആര്‍ ചന്ദ്രന് ഒന്നാം റാങ്ക്

നീലേശ്വരം: (www.kasargodvartha.com 25/09/2017) കേരള ആരോഗ്യ സര്‍വ്വകലാശാല 2012-2017 ബാച്ചില്‍ എറണാകുളം ശ്രീനാരായണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് വിദ്യാര്‍ത്ഥിനി അഷിമ ആര്‍ ചന്ദ്രന്‍ ഒന്നാം റാങ്ക് നേടി. നരിമാളം ബി.പി രാമചന്ദ്രന്റെയും ഇഖ്ബാല്‍ ഹയര്‍ സെക്കന്‍ഡറി സ്‌കൂള്‍ അധ്യാപിക ഗീതയുടെയും മകളാണ്. 2330 ല്‍ 1901 മാര്‍ക്ക് അഷിമ കരസ്ഥമാക്കി.

സംസ്ഥാന തലത്തില്‍ ഇംഗ്ലീഷ് കവിതാ രചനയില്‍ രണ്ടാം സ്ഥാനവും പ്രസംഗ മത്സരത്തില്‍ എ ഗ്രേഡും ലഭിച്ചിട്ടുണ്ട്. എസ് എസ് എല്‍ സി, പ്ലസ് ടു പരീക്ഷയില്‍ മുഴുവന്‍ മാര്‍ക്കും കരസ്ഥമാക്കിയ അഷിമ ഇഖ്ബാല്‍ ഹയര്‍ സെക്കന്‍ഡറി, ദുര്‍ഗ ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളിലാണ് പഠനം നടത്തിയത്. ബംഗളൂരുവില്‍ എഞ്ചിനീയറായ അഭിലാഷ് സഹോദരനാണ്.