കാസര്‍കോട് ഇന്ത്യന്‍ കോഫീ ഹൗസില്‍ തീപിടുത്തം; ലക്ഷങ്ങളുടെ നഷ്ടം

കാസര്‍കോട്: കാസര്‍കോട് പുതിയ ബസ് സ്റ്റാന്‍ഡ് സ്പീഡ് വേ ഇന്നില്‍ പ്രവര്‍ത്തിക്കുന്ന ഇന്ത്യന്‍ കോഫി ഹൗസില്‍ തീപിടുത്തം.  അടുക്കള ഭാഗത്തെ ഗ്യാസ് പൈപ്പിലുണ്ടായ ചോര്‍ച്ചായാണ് തീപിടുത്തത്തിന് കാരണം. സംഭവസമയം ഭക്ഷണം കഴിച്ചു കൊണ്ടിരുന്നവരും ഹോട്ടല്‍ ജീവനക്കാരും പുറത്തേക്കോടിയതിനാല്‍ വന്‍ ദുരന്തമാണ് ഒഴിവായത്. വിവിധ ഭാഗങ്ങളായാണ് അടുക്കള പ്രവര്‍ത്തിക്കുന്നത്. ഇവിടെയ്‌ക്കെല്ലാം അടുപ്പുകളിലേക്ക് ഗ്യാസ് പൈപ്പ് ലൈന്‍ ബന്ധിപ്പിച്ചിരുന്നു.

തീപിടുത്തവും പൊട്ടിത്തെറിയുമുണ്ടായതോടെ ജീവനക്കാര്‍ പുറത്തേക്ക് ഓടുകയും അകത്തുണ്ടായിരുന്നവരോട് പുറത്ത് കടക്കാന്‍ ആവശ്യപ്പെടുകയുമായിരുന്നു. 25 ഓളം പേര്‍ ഹാളിലിരുന്ന് ഭക്ഷണം കഴിച്ചു കൊണ്ടിരിക്കുകയായിരുന്നു. തൊട്ടടുത്ത എ.സി മുറിയിലും ആളുകളുണ്ടായിരുന്നു.