സിലിണ്ടറില്‍ നിന്നും ഗ്യാസ് ചോര്‍ന്ന് തീപിടുത്തം; ഫ്രിഡ്ജ് അടക്കമുള്ള ഇലക്രിക് ഉപകരണങ്ങള്‍ കത്തിനശിച്ചു, ഫയര്‍ഫോഴ്‌സെത്തി തീയണച്ചു

By Web Desk - MainSep 13, 2019, 16:40 IST

മൊഗ്രാല്‍ പുത്തൂര്‍: (www.kasargodvartha.com 13.09.2019) സിലിണ്ടറില്‍ നിന്നും ഗ്യാസ് ചോര്‍ന്ന് തീപിടുത്തമുണ്ടായതിനെ തുടര്‍ന്ന് അടുക്കളയിലുണ്ടായിരുന്ന ഫ്രിഡ്ജ് അടക്കമുള്ള ഇലക്രിക് ഉപകരണങ്ങള്‍ കത്തിനശിച്ചു. വിവരമറിഞ്ഞ് ഫയര്‍ഫോഴ്‌സെത്തി തീയണച്ചു. മൊഗ്രാല്‍പുത്തൂര്‍ ജി എച്ച് എസ് എസിന് സമീപത്തെ അസീസിന്റെ ഭാര്യ പരേതയായ ആഇശയുടെ വീട്ടിലാണ് തീപിടിത്തമുണ്ടായത്.

വെള്ളിയാഴ്ച രാവിലെ ഒമ്പതു മണിയോടെയാണ് സംഭവം. സിലിണ്ടറില്‍ നിന്നും ഗ്യാസ് ചോര്‍ന്നതിനെ തുടര്‍ന്ന് തീപിടിക്കുകയായിരുന്നു.