ഓടുമേഞ്ഞ വീട് അഗ്നിക്കിരയായി

By Web Desk - MainJan 8, 2019, 16:49 IST

മഞ്ചേശ്വരം: (www.kasargodvartha.com 08.01.2019) ഓടുമേഞ്ഞ വീട് അഗ്നിക്കിരയായി. വൊര്‍ക്കാടി മജീര്‍പ്പള്ള ധര്‍മനഗറിലെ പരേതനായ രാംദാസിന്റെ വീടാണ് കത്തിനശിച്ചത്. തിങ്കളാഴ്ച ഉച്ചയ്ക്ക് 12 മണിയോടെയാണ് സംഭവം. രാംദാസിന്റെ ഭാര്യ ഗിരിജ, മകന്‍ ഗണേശ് എന്നിവരാണ് വീട്ടില്‍ താമസം.

ഗിരിജയും മകനും മജീര്‍പ്പള്ളയിലുള്ള ജ്യൂസ് കടയിലേക്ക് പോയ സമയത്തായിരുന്നു വീടിന് തീപിടിച്ചത്. ശ്രദ്ധയില്‍പെട്ട നാട്ടുകാര്‍ ഉടന്‍ തീയണച്ചുവെങ്കിലും അപ്പോഴേക്കും പൂര്‍ണമായും കത്തിനശിച്ചിരുന്നു. വീട്ടിലെ ഇലക്ട്രോണിക്‌സ് സാധനങ്ങളും രേഖകളുമടക്കം സര്‍വ സാധനങ്ങളും അഗ്നിക്കിരയായി.