ലിഫ്റ്റിന്റെ അടിയിലെ കുഴിയിൽ വീണ ബൈക്ക് താക്കോൽ അഗ്നിരക്ഷാസേന പുറത്തെടുത്തു നൽകി

കാസർകോട്: (KasargodVartha) ബൈക്കിന്റെ താക്കോൽ ലിഫ്റ്റ് ബേസ്‌മെന്റ് ചേംബറിലെ കുഴിയിൽ വീണത് അഗ്നിരക്ഷാസേന പുറത്തെടുത്തു നൽകി. നഗര മധ്യത്തിൽ സിറ്റി മാൾ കെട്ടിടത്തിലെ നാലാം നിലയിലെ ലിഫ്റ്റ് റൂമിൽ വെച്ചാണ് സംഭവം.

അതേ കെട്ടിടത്തിൽ പ്രവർത്തിക്കുന്ന പൈക്കിൻ ഫുഡ് ഡെലിവറി ജീവനക്കാരനും കമ്പാർ സ്വദേശിയുമായ സിർമ്മിത്തിന്റെ (20) സ്പ്ലെൻഡർ ബൈക്കിന്റെ താക്കോലാണ് അബദ്ധവശാൽ ലിഫ്റ്റ് റൂമിന്റെ അടിഭാഗത്തുള്ള സുഷിരത്തിലൂടെ താഴേക്ക് വീണത്. ബുധനാഴ്ച ഉച്ചയ്ക്ക് 12 മണിയോടെയായിരുന്നു സംഭവം. 

താക്കോൽ എടുക്കാൻ സിർമ്മിത്ത് ഏറെ ശ്രമം നടത്തിയെങ്കിലും പരാജയപ്പെട്ടു. ജോലി കഴിഞ്ഞ് വീട്ടിൽ പോയി ഡ്യൂപ്ലിക്കേറ്റ് താക്കോൽ ഉപയോഗിച്ച് ബൈക്ക് എടുക്കാം എന്ന പ്രതീക്ഷയിൽ സിർമ്മിത്ത് മടങ്ങിയെങ്കിലും സ്പെയർ താക്കോൽ കണ്ടെത്താനായില്ല. തുടർന്ന് വ്യാഴാഴ്ച ജോലിയിൽ പ്രവേശിച്ച ശേഷം കാസർകോട് അഗ്നിരക്ഷാസേനയുടെ സഹായം തേടുകയായിരുന്നു.

സീനിയർ ഫയർ ആൻഡ് റെസ്ക്യൂ ഓഫീസർ വി എൻ വേണുഗോപാലിന്റെ നേതൃത്വത്തിൽ സേന സിറ്റി മാളിലെത്തി. താഴത്തെ നിലയിലെ ബേസ്‌മെന്റ് ചേംബറിൽ രണ്ട് മീറ്റർ ആഴത്തിൽ വെള്ളത്തിലായി ഇരുട്ടു നിറഞ്ഞ മുറിയിൽ കിടന്നിരുന്ന താക്കോൽ ടോർച്ച് വെളിച്ചത്തിന്റെ സഹായത്താൽ കണ്ടെത്തി. അരയിഞ്ച് പൈപ്പ് പോകുന്ന ദ്വാരത്തിലൂടെ അരമണിക്കൂർ നീണ്ട ശ്രമഫലമായി താക്കോൽ പുറത്തെടുത്ത് ഉടമസ്ഥന് കൈമാറി.

ഫയർ ആൻഡ് റെസ്ക്യൂ ഓഫീസർമാരായ എം എ വൈശാഖ്, എം എം അരുൺ കുമാർ, ജെ അനന്ദു, കെ വി ശ്രീജിത്ത് എന്നിവരും രക്ഷാപ്രവർത്തക സംഘത്തിലുണ്ടായിരുന്നു.

അഗ്നിരക്ഷാസേനയുടെ ഈ മാതൃകാപരമായ പ്രവർത്തനത്തെക്കുറിച്ച് നിങ്ങളുടെ അഭിപ്രായം പങ്കുവെക്കൂ. ഈ വാർത്ത സുഹൃത്തുക്കൾക്കും ഷെയർ ചെയ്യൂ. 

Article Summary: Fire force retrieved a bike key from a 2-meter deep lift basement in Kasaragod.

#Kasaragod #FireForce #RescueOperation #CityMall #KeralaNews #BraveAct

News Categories: Main, Local-News, Kasaragod, Kerala, Top-Headline

Tags: Kasaragod Fire Force, City Mall Kasaragod, lift pit rescue, bike key retrieval, V N Venugopal, Kasaragod news

URL Slug:

Meta Description: 

Keywords: