Appeal | കാസർകോട്ട് പുലിപ്പേടി; പാത്രം കൊട്ടി പ്രതിഷേധിച്ച് ജനങ്ങൾ; മുസ്ലിം ലീഗ് നേതാക്കൾ കലക്ടറെ കണ്ടു ​​​​​​​

കാസർകോട്: (KasargodVartha) ജില്ലയിൽ ജനവാസ കേന്ദ്രങ്ങളിൽ പുലിയുടെ സാന്നിധ്യം വർധിച്ചതോടെ ജനജീവിതം ദുസ്സഹമായിരിക്കുകയാണ്. മുളിയാറിലെയും ബോവിക്കാനത്തെയും അടക്കം ജനങ്ങൾ പുലിപ്പേടിയിൽ രാപ്പകലുകൾ തള്ളിനീക്കുകയാണ്. മുളിയാറിലെ ജനങ്ങളുടെ പ്രയാസവും ആശങ്കയും ഭീതിയും മുസ്ലിം ലീഗ് നേതാക്കൾ ജില്ലാ കലക്ടറുടെ ശ്രദ്ധയിൽപ്പെടുത്തി. 

പുലിയെ പിടികൂടാനോ തുരത്താനോ വിദഗ്ധരായ വനം വകുപ്പിന്റെ പ്രത്യേക സംഘത്തെ നിയോഗിക്കണമെന്ന് ലീഗ് നേതാക്കൾ കലക്ടറോട് ആവശ്യപ്പെട്ടു. ഉദുമ മണ്ഡലം ജനറൽ സെക്രട്ടറി കെ.ബി. മുഹമ്മദ് കുഞ്ഞി, പഞ്ചായത്ത് പ്രസിഡന്റ് ബി.എം. അബൂബക്കർ ഹാജി, ജനറൽ സെക്രട്ടറി മൻസൂർ മല്ലത്ത്, യു.ഡി.എഫ്. ചെയർമാൻ ഖാലിദ് ബെള്ളിപ്പാടി, എസ്.ടി.യു. സംസ്ഥാന സെക്രട്ടറി ഷെരീഫ് കൊടവഞ്ചി, പഞ്ചായത്ത് സെക്രട്ടറി ബി.കെ. ഹംസ എന്നിവരാണ് കലക്ടറെ സന്ദർശിച്ച സംഘത്തിൽ ഉണ്ടായിരുന്നത്. സ്ഥിതിഗതികൾ വിലയിരുത്തുന്നതിനായി മുളിയാർ നേരിട്ട് സന്ദർശിക്കാമെന്ന് കലക്ടർ ഉറപ്പ് നൽകി.

ബോവിക്കാനത്ത് പാത്രം കൊട്ടി പ്രതിഷേധം

പുലിപ്പേടിയിൽ വലയുന്ന ജനങ്ങളുടെ പ്രതിഷേധം ബോവിക്കാനത്തും അലയടിച്ചു. ബാവിക്കരക്കുന്നിൽ ഫ്രണ്ട്സ് നുസ്രത്തിന്റെ നേതൃത്വത്തിൽ വനം വകുപ്പിന്റെ ബോവിക്കാനം സെക്ഷൻ ഓഫീസിലേക്ക് പാത്രം കൊട്ടി പ്രതിഷേധ മാർച്ച് നടത്തി. ജനവാസ മേഖലയിലെ പുലികളെ പിടികൂടി ജനങ്ങളുടെ ഭീതി അകറ്റണമെന്നായിരുന്നു പ്രതിഷേധക്കാരുടെ ആവശ്യം. പഞ്ചായത്ത് സ്ഥിരം സമിതി അധ്യക്ഷ അനീസ മൻസൂർ മല്ലത്ത് പ്രതിഷേധ മാർച്ച് ഉദ്ഘാടനം ചെയ്തു. അബ്ദുൽ ഖാദർ കുന്നിൽ അധ്യക്ഷത വഹിച്ചു.

ബ്ലോക്ക് പഞ്ചായത്ത് അംഗം എം. കുഞ്ഞമ്പു നമ്പ്യാർ, മുസ്ലിം ലീഗ് പഞ്ചായത്ത് പ്രസിഡന്റ് ബി.എം. അബൂബക്കർ, പീപ്പിൾസ് ഫോറം പ്രസിഡന്റ് ബി. അഷ്റഫ്, മണികണ്ഠൻ ഓമ്പയിൽ, മുഹമ്മദ് കുഞ്ഞി കൊടുവളപ്പ്, അബ്ദുൽ റഹ്മാൻ ചാപ്പ, കബീർ മുസ്ലിയാർ നഗർ, കലാം പള്ളിക്കൽ, മുഹമ്മദ് കുഞ്ഞി ബാവിക്കര, അബൂബക്കർ ചാപ്പ, അബ്ദുൽ ഖാദർ ബെള്ളിപ്പാടി, ബി.കെ. ഷാഫി അമ്മങ്കോട്, ജാസർ പൊവ്വൽ, പി. അബ്ദുല്ല കുഞ്ഞി, മൊയ്തീൻ ചാപ്പ, അബ്ദുറഹ്മാൻ ബെള്ളിപ്പാടി, ബി.കെ. ഹംസ ആലൂർ, ബഷീർ ബി.കെ., സിദ്ദിഖ് കുണിയേരി, ഷരീഫ് പന്നടുക്കം, ഖാദർ ആലൂർ, ഹനീഫ് ബോവിക്കാനം, ബി.എം. മഹമൂദ്, ജബ്ബാർ മുക്രി, സലാം പന്നടുക്കം, ഹമീദ് സൗത്ത്, അബ്ബാസ് മുക്രി, റിയാസ് മുക്രി, ഇസ്മായിൽ, അഹമ്മദ് ബെള്ളിപ്പാടി, മജീദ് പന്നടുക്കം, ഫാറൂഖ് മുക്രി, ആസിഫ് ബെള്ളിപ്പാടി തുടങ്ങിയ നിരവധി പേർ പ്രതിഷേധ മാർച്ചിൽ പങ്കെടുത്തു. പുലിശല്യം രൂക്ഷമായ പ്രദേശങ്ങളിൽ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.

#Kasaragod #Leopard #Protest #Wildlife #Kerala #LocalNews