കെഎസ്ആര്‍ടിസിയുടെ മത്സരയോട്ടം; ബസില്‍ നിന്ന് തെറിച്ച് വീണ് വീട്ടമ്മയ്ക്ക് പരിക്ക്

By Web Desk SUDec 9, 2019, 19:29 IST

ബന്തിയോട്: (www.kasargodvartha.com 09.12.2019) കെഎസ്ആര്‍ടിസിബസില്‍ നിന്ന് തെറിച്ച് വീണ് വീട്ടമ്മയ്ക്ക് പരിക്കേറ്റു. തിരുവനന്തപുരം നെടുമങ്ങാട്ടെ ഗിരിജ(55)ക്കാണ് പരിക്കേറ്റത്. കുമ്പള ഷിറിയ മുട്ടത്താണ് സംഭവം. ബസില്‍ നിന്നിറങ്ങുന്നതിനിടെ ബസ് മുന്നോട്ടെടുക്കുകയായിരുന്നു. ഇതിനിടെയാണ് ഗിരിജ തെറിച്ച് റോഡിലേക്ക് വീണത്.

കെഎസ്ആര്‍ടിസിയുടെ മത്സരയോട്ടം; ബസില്‍ നിന്ന് തെറിച്ച് വീണ് വീട്ടമ്മയ്ക്ക് പരിക്ക്

മുട്ടത്തുള്ള മകളുടെ വീട്ടിലേക്ക് വരുന്നതിനിടെയാണ് അപകടമുണ്ടായത്. നടുവിന് പരിക്കേറ്റ ഗിരിജയെ മംഗളൂരുവിലെ സ്വകാര്യ ആശുപത്രിയിലേക്ക് കൊണ്ടുപോയി. കേരള ട്രാന്‍സ്പോര്‍ട്ട് ബസുകളുടെ മത്സരയോട്ടം പലപ്പോഴും അപകടത്തിന് വഴിയൊരുക്കുന്നതായി പരാതിയുണ്ട്.