അമിതവൈദ്യുതി പ്രവാഹം; 4 വീടുകളിലെ ഇലക്ട്രിക് ഉപകരണങ്ങള്‍ കത്തിനശിച്ചു

By Web Desk - MainSep 9, 2019, 11:59 IST

നീലേശ്വരം: (www.kasargodvartha.com 09.09.2019) അമിതവൈദ്യുതി പ്രവാഹത്തെ തുടര്‍ന്ന് നാല് വീടുകളിലെ ഇലക്ട്രിക് ഉപകരണങ്ങള്‍ കത്തിനശിച്ചു. പടന്നക്കാട് കെ എസ് ഇ ബി ഓഫീസിന്റെ പരിധിയിലുള്ള അനന്തംപള്ളയിലെ വി എം ഭാസ്‌കരന്‍, ഉമ്പിച്ചി, രാജന്‍, നാരായണി എന്നിവരുടെ വീടുകളിലെ ഉപകരണങ്ങളാണ് കത്തിനശിച്ചത്. ഞായറാഴ്ച രാവിലെയാണ് സംഭവം.

ബള്‍ബും ഫാനും ട്യൂബും ഉഗ്രശബ്ദത്തോടെ പൊട്ടിത്തെറിക്കുകയായിരുന്നുവെന്ന് വീട്ടുകാര്‍ പറഞ്ഞു. സീലിംഗ് ഫാന്‍, സ്റ്റാന്‍ഡ് ഫാന്‍, ബള്‍ബ്, ട്യൂബ്, ബ്രേക്കര്‍, സ്വിച്ച് ബോര്‍ഡ് എന്നിവയെല്ലാംതന്നെ കത്തിനശിച്ചിട്ടുണ്ട്.