എറണാകുളം സ്വദേശിയുടെ മൃതദേഹം വിദഗ്ദ്ധ പോസ്റ്റുമോര്‍ട്ടത്തിനയച്ചു
Jul 30, 2012, 15:35 IST
വിജയന്റെ മക്കളായ വിപിന്‍ദാസ്, വിജിമോള്‍, സഹോദരന്‍ എന്നിവര്‍ തിങ്കളാഴ്ച രാവിലെ എത്തിയ ശേഷമാണ് ഇന്‍ക്വസ്റ്റ് തയ്യാറാക്കി വിദഗ്ദ്ധ പോസ്റ്റുമോര്‍ട്ടത്തിനയച്ചത്. ഒന്നര വര്‍ഷമായി വിജയന്‍ നായന്മാര്‍മൂലയില്‍ താമസിച്ചുവരികയാണ്. മൃതദേഹത്തിന് അഞ്ച് ദിവസത്തെ പഴക്കമുണ്ട്. മുറിയില്‍ നിന്ന് ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ പോലീസില്‍ വിവരമറിയിച്ച് പരിശോധിച്ചപ്പോഴാണ് കട്ടിലില്‍ മരിച്ചനിലയില്‍ കണ്ടെത്തിയത്.
വര്‍ഷങ്ങളായി വിജയന്‍ വീട് വിട്ട് പലസ്ഥലങ്ങളിലും ജോലി ചെയ്തുവരികയാണെന്ന് ബന്ധുക്കള്‍ പറഞ്ഞു. ഇക്കഴിഞ്ഞ ജൂണ്‍ 10ന് എറണാകുളത്തെ വീട്ടില്‍ ചെന്നിരുന്നു. വിജയന്റെ മുറി പരിശോധിച്ചപ്പോള്‍ നിരവധി മദ്യകുപ്പികള്‍ കണ്ടെത്തിയിട്ടുണ്ട്. ഹൃദയാഘാതംമൂലം മരിച്ചതാകാമെന്നാണ് വിദ്യാനഗര്‍ പോലീസ് പറയുന്നത്. ജോലി ചെയ്യുമ്പോള്‍ ഇടയ്ക്കിടെ നെഞ്ചുവേദനയുള്ള കാര്യം വിജയന്‍ സുഹൃത്തുക്കളോട് പറഞ്ഞിരുന്നു. ആദൂരിലും മറ്റുമായാണ് തോണിയുടെ നിര്‍മ്മാണ പ്രവര്‍ത്തി നടത്തിവരുന്നത്. ഭാര്യ പരേതയായ കമലമ്മ.
Keywords: Kasaragod, Postmortem, Nainmarmoola, Dead body, Ernakulam native
Tags
Share this story
