പാടം നികത്തുന്നതിനെതിരെ പ്രക്ഷോഭവുമായി മുന്നിട്ടിറങ്ങിയവരുടെ ഓഫീസും പാടം നികത്തിയുണ്ടാക്കിയത്

കാഞ്ഞങ്ങാട്:(www.kasargodvartha.com 31/03/2018) പാടം നികത്തുന്നതിനെതിരെ പ്രക്ഷോഭവുമായി മുന്നിട്ടിറങ്ങിയവരുടെ ഓഫീസും പാടം നികത്തിയുണ്ടാക്കിയത്. പാടം നികത്തുന്നതിനെതിരെയും പരിസ്ഥിതി സംരക്ഷണത്തിനുമായി പ്രക്ഷോഭ രംഗത്തിറങ്ങുന്ന ശാസ്ത്ര സാഹിത്യ പരിഷത്തിന്റെ ജില്ലാകമ്മിറ്റി ആസ്ഥാനമായ പരിഷത്ത് ഭവന്‍ നിര്‍മ്മിച്ചത് പാടം നികത്തിയാണെന്നാണ് കണ്ടെത്തിയിരിക്കുന്നത്.

ഒരു കാലത്ത് കാഞ്ഞങ്ങാടിന്റെ നെല്ലറയായി അറിയപ്പെട്ടിരുന്ന കാരാട്ട് വയലിലാണ് പാടം നികത്തി പരിഷത്ത് ഭവനു വേണ്ടി ബഹുനില കെട്ടിടം നിര്‍മ്മിച്ചിരിക്കുന്നത്. കീഴാറ്റൂരില്‍ ബൈപ്പാസിനെതിരെയുള്ള പ്രക്ഷോഭത്തില്‍ സര്‍ക്കാരിനെതിരെ രൂക്ഷ വിമര്‍ശനവുമായി ശാസ്ത്ര സാഹിത്യ പരിഷത്ത് മുന്‍നിരയില്‍ നില്‍ക്കുമ്പോഴാണ് കാഞ്ഞങ്ങാട്ട് ജില്ലാ ഓഫീസിന് വേണ്ടി മൂന്ന് വിളവ് എടുത്തിരുന്ന പാടം മണ്ണിട്ട് നികത്തി കെട്ടിടം പണിഞ്ഞത്.