നെഞ്ചംപറമ്പില്‍ മൂടിയ കിണര്‍ ജനങ്ങള്‍ തുറക്കും: എന്‍ഡോസള്‍ഫാന്‍ പീഡിത ജനകീയ മുന്നണി

കാസര്‍കോട്: നെഞ്ചംപറമ്പിലെ പി.സി.കെയുടെ കശുമാവിന്‍ തോട്ടത്തിന്റെ കിണറ്റില്‍ എന്‍ഡോസള്‍ഫാന്‍ നിക്ഷേപിച്ചത് കണ്ടെത്താന്‍ മണ്ണ് നീക്കം ചെയ്യുമെന്ന് എന്‍ഡോസള്‍ഫാന്‍ പീഡിത ജനകീയ മുന്നണി.

വായുവിലൂടെ വിഷം വിതറിയപ്പോള്‍ മനുഷ്യര്‍ക്കും, മൃഗങ്ങള്‍ക്കും, പ്രകൃതിക്കും ഉണ്ടായ ദുരന്തങ്ങള്‍ വക വെക്കാതെയാണ് പി.സി.കെ എന്‍ഡോസള്‍ഫാന്‍ നിറച്ച പാത്രങ്ങള്‍ കുഴിച്ച് മുടിയത്. തിരിച്ചെടുക്കണമെന്നാവശ്യപ്പെട്ട് ബഹുജന സമരങ്ങള്‍ നടത്തിയെങ്കിലും അധികൃതര്‍ അതിന് തയ്യാറാവാത്ത സാഹചര്യത്തിലാണ് ജനങ്ങള്‍ തന്നെ അതേറ്റെടുക്കാന്‍ തയ്യാറാകുന്നത്.

ഇനിയും ഒരു വന്‍ ദുരന്തത്തിന് കാത്തുനില്‍ക്കാന്‍ തയ്യാറല്ലെന്നും പീഡിത ജനകീയ മുന്നണി നേതാക്കള്‍ പറഞ്ഞു. സെപ്്റ്റംബര്‍ 10 ന് കിണറ്റിലെ മണ്ണ് നീക്കല്‍ ആരംഭിക്കുമെന്നും നേതാക്കള്‍ അറിയിച്ചു. യോഗത്തില്‍ മഹേന്ദ്ര നെഞ്ചംപറമ്പ് അധ്യക്ഷത വഹിച്ചു. പഞ്ചായത്ത് മെമ്പര്‍ ജയലക്ഷ്മി, ചന്ദ്ര ശേഖര്‍ നെഞ്ചംപറമ്പ്, സുദാമന്‍, ഗോകുല്‍, അമ്പലത്തറ കുഞ്ഞികൃഷ്ണന്‍, ഗീത എന്നിവര്‍ സംസാരിച്ചു. ശശിധരന്‍ പാടിയത്തടുക്ക സ്വാഗതവും രേവതി നെഞ്ചംപറമ്പ് നന്ദിയും പറഞ്ഞു.