ജസ്റ്റിസ് രാമചന്ദ്രന്‍ നായരെ എന്‍ഡോസള്‍ഫാന്‍ പീഡിത മുന്നണി 'വിചാരണ' ചെയ്യുന്നു

കാസര്‍കോട്: എന്‍ഡോസള്‍ഫാന്‍ ദുരിത ബാധിതരുടെ അവകാശങ്ങളെ അട്ടിമറിക്കാന്‍ ശ്രമിച്ചുവെന്നാരോപിച്ച് എന്‍ഡോസള്‍ഫാന്‍ പീഡിത ജനകീയ മുന്നണി മുന്‍ ജസ്റ്റിസ് സി.എന്‍ രാമചന്ദ്രന്‍ നായരെ പ്രതീകാത്മകമായി വിചാരണ ചെയ്യുന്നു. ആഗസ്റ്റ് 26 ന് രാവിലെ 10 മണിക്ക് കാസര്‍കോട് കലക്ടേറ്റിന് മുന്നിലാണ് വിചാരണ.

വിഷക്കമ്പനിക്കും, പി.സി.കെ ക്കും വേണ്ടി അവതരിപ്പിച്ച രാമചന്ദ്രന്‍ നായരുടെ റിപോര്‍ട് ദുരിതബാധിതരോട് അനുഭാവമുള്ള ഒരാള്‍ക്കും അംഗീകരിക്കാന്‍ കഴിയില്ലെന്ന് മുന്നണി അഭിപ്രായപ്പെട്ടു. നഷ്ടങ്ങള്‍ വിലയിരുത്തി പരിഹാരം കാണാനും, കുറ്റവാളികളെ മാതൃകാപരമായി ശിക്ഷിക്കാനും ആവശ്യമായ പ്രത്യേക ട്രിബ്യൂണല്‍ ജില്ലയില്‍ സ്ഥാപിക്കാനുള്ള നടപടികള്‍ സര്‍ക്കാര്‍ ഏറ്റെടുക്കണമെന്നും യോഗം ആവശ്യപ്പെട്ടു.

അഡ്വ. ടി.വി രാജേന്ദ്രന്‍ അധ്യക്ഷത വഹിച്ചു. അമ്പലത്തറ കുഞ്ഞികൃഷ്ണന്‍, പി. മുരളീധരന്‍, സുഭാഷ് ചീമേനി, ബബിത കള്ളാര്‍, വി. ശ്രീദേവി, പി. കൃഷ്ണന്‍, കൃഷ്ണന്‍ പുല്ലൂര്‍, കെ. ഷൈനി, ടി. അഖില കുമാരി, ഉസ്മാന്‍ ചെര്‍ക്കള, വി. രോഹിണി, പി.കെ രഘു, വി. മാധവി, ഇബ്രാഹിം ചെര്‍ക്കള പ്രസംഗിച്ചു. സി.വി നളിനി സ്വാഗതവും, മിസ്‌രിയ ചെര്‍ക്കള നന്ദിയും പറഞ്ഞു.
Keywords : Kasaragod, Endosulfan, Kerala, Report, peeditha Janakeeya Munnani, Ramachandran Nair, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.