ട്രെയിനില്‍ നിന്നും വീണ് അന്യസംസ്ഥാന തൊഴിലാളിക്ക് പരിക്ക്

By Web Desk - MainDec 27, 2018, 15:50 IST

ബേക്കല്‍: (www.kasargodvartha.com 27.12.2018) യാത്രക്കിടയില്‍ ട്രെയിനില്‍ നിന്നും വീണ് അന്യസംസ്ഥാന തൊഴിലാളിക്ക് പരിക്കേറ്റു. ഒറീസയിലെ 48 കാരനാണ് വ്യാഴാഴ്ച രാവിലെ കോട്ടിക്കുളം റെയില്‍വെസ്റ്റേഷന് സമീപം വെച്ച് തീവണ്ടിയില്‍ നിന്നും വീണത്. പരിക്കേറ്റ ഇയാളെ ആശുപത്രിയില്‍ പ്രവേശിപ്പിച്ചു.

റെയില്‍വെ ട്രാക്കില്‍ പരിക്കേറ്റ് കിടക്കുകയായിരുന്ന ഇയാളെ ബേക്കല്‍ പോലീസ് സ്ഥലത്തെത്തിയാണ് സ്വകാര്യ ആശുപത്രിയില്‍ എത്തിച്ച് പ്രഥമശുശ്രുഷ നല്‍കിയ ശേഷം പരിയാരം മെഡിക്കല്‍ കോളേജിലേക്ക് മാറ്റിയത്. വീഴ്ചയില്‍ ഇയാളുടെ വലതുകൈ അറ്റു തൂങ്ങി. കാലിനും സാരമായ പരിക്കേറ്റിട്ടുണ്ട്. വ്യാഴാഴ്ച രാവിലെ ഒറീസയിലേക്ക് പുറപ്പെട്ടതാണെന്ന് കൂടെയുള്ളവര്‍ പറയുന്നു.

Photo: File